من فترة الحكومة أعلنت عن وصول بعثة صندوق النقد الدولي لعمل المراجعة الرابعة والحصول علي الشريحة الرابعة من قرض الـ8 مليار.. ياتري اية اللي حصل خلال المراجعة دي.. واية اللي اتفقت عليه الحكومة المصرية مع بعثة صندوق النقد الدولي وايه مصير الشريحة الرابعة.. خليكم معانا للآخر وهتعرفوا التفاصيل في التقرير ده.
من كام اسبوع كلام كتير حصل بالتزامن مع اعلان مصر ترقب وصول وفد صندوق النقد الدولي لعمل المراجعة الرابعة لصرف الشريحة الرابعة للقرض واللي مصر نجحت في الحصول علي موافقة برفعه من 3 الي 8 مليار دولار في بداية 2024، وهتوصل الشريحة الرابعة من القرض لـ1.2 مليار دولار .
طيب اية سبب الكلام الكتير اللي حصل الفترة دي علي الشريحة الرابعة لقرض صندوق النقد الدولي؟.
مصر حاليا زيها زي اغلب دول العالم بتمر بتغيرات اقتصادية مهمة بسبب التغيرات اللي بتحصل عالميا دولوقتي والترتيبات السياسية اللي بتحصل بين الدول واللي اثرت علي الاداء الاقتصادي العالمي واسعار الطاقة في العالم ده، وطبعا مصر واحدة من اهم الدول اللي تاثرت بالاحداث ده .. وده بسبب موقعها الاستراتيجي اللي خلها في قلب الأحداث في منطقة الشرق الأوسط، والاحداث دي للاسف اثرت علي عوامل كتيرة للدخل القومي المصري خصوصا من قناة السويس اللي تراجعت ايرادتها بنسبة أكتر من 60% عن الارقام اللي كانت مصر بتحققها في السنين اللي فاتت، ده غير التاثيرات اللي موجودة علي قطاع السياحة واللي بيعد من اهم مصادر الدخل للعملات الأجنبية للدولة المصرية واللي تراجع هو كمان عن فكرة الوصول الي تحقيق 30 مليون سائح وتحقيق 30 مليار دولار من القطاع مع نهاية عام 2028، بسبب برضوا الاحداث السياسية الموجودة في منطقة الشرق الأوسط وعدم استقرار الاوضاع حاليا.
التغيرات اللي حصلت دي كلها عملت اعباء اضافية علي الاقتصاد المصري، وبالتالي ساعدت بشكل كبير في ارتفاع التضخم، وبسببها بقي في صعوبات علي الدولة المصرية في تنفيذ البنود اللي الحكومة اتفقت عليها مع صندوق النقد الدولي واللي هيا قايمة بشكل كامل علي رفع الدعم الحكومي عن السلع والخدمات اللي بتقدمها الدولة للمواطنين، خصوصا في ظل الاوضاع الاقتصادية اللي بيعشها كل الناس حاليا، وعلشان كده الرئيس عبدالفتاح السيسي طالب الحكومة بضرورة اعادة النظر في شروط الصندوق مرة تانية علشان الدولة متحملش المواطن المصري اعباء اقتصادية جديدة.
الحكومة اخدت تكليفات القيادة السياسية وبدأت تترجمها علي الأرض وفعلا حصل اكتر من اجتماع بين اعضاء الحكومة وصندوق النقد لمناقشة الشروط، وفعلا وفد الصندوق وصل عندها هنا في مصر علشان يعملوا المراجعة الرابعة لصرف شرحة القرض واللي هتوصل لـ1.2 مليار دولار.
طيب اية اللي قالته بعثة صندوق النقد في ختام المراجعة الرابعة لصرف الشريحة؟.
من كام ساعة، بعثة صندوق النقد الدولي أعلنت عن ختام زيارتها لمصر، وأكدت أن مصر نفذت اصلاحات كتيرة في الاداء الاقتصادي بشكل عام، وأن المراجعة ممكن تمنح مصر تمويل بأكتر من 1.2 مليار دولار، وإن مصر نفذت الإصلاحات الرئيسية للحفاظ على استقرار الاقتصاد الكلي واهمها توحيد سعر الصرف اللي سهل الاستيراد في ظل تعهد البنك المركزي المصري المتكرر بالحفاظ على نظام مرن للصرف.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
