ناس كتير جهزت نفسها عشان تقدم في شقق الاسكان الاجتماعي اللي الدولة فتحت باب التقدم فيها حاليا، بس لحد دلوقتي اغلب الناس بتسأل علي نظام الاقساط هيكون كام.. والمواطن هيدفع كام شهريا في الطرح الجديد..
في ترقب كبير جدا من كل المصريين حاليا لاعلان سكن لكل المصريين 5 واللي بدأ فيه التقديم حاليا للمواطنين من ذوي الأحتياجات الخاصة واللي هيكون متاح لكل طوائف الشعب المصري اعتبارا من بعد بكرة التلات بما فيها ذوي الاحتياجات الخاصة، واللي عمل الترقب الكبير ده و الارتفاع الكبير لاسعار العقارات في مصر، والظروف الاقتصادية الصعبة اللي يعيشها أغلب المواطنين واللي خلت في صعوبة كبيرة في توفير شقة سكينة.
اغلب الناس اللي عايزة تقدم واللي بالفعل جهزت ورقها علشان تقدم في الإعلان الجديد عندهم اسئلة كتيرة محتاجين اللي يجابوهم عليها، واهم سؤال في الاسئلة دي هو أنا هدفع كام كل شهر علشان يجهز فلوسه من دولوقتي ويكون عارف هو مطلوب منه كام .
طيب اسعار شقق الاسكان الاجتماعي هتوصل لكام؟.
صندوق الاسكان الاجتماعي اعلن عن اسعار شقق الاسكان الاجتماعي الجديد وقال ان سعر الشقق تحت الإنشاء لمنخفضي الدخل واللي هتكون تسليم خلال 36 شهر، بمساحة 75 هتكون بسعر 542 ألف جنيه في مدن حدائق أكتوبر والسادات والمنيا الجديدة، وسعر الشقق تحت الإنشاء لمنخفضي الدخل تسليم خلال 36 شهر، بمساحة 90 بسعر 650 ألف جنيه ودي هتكون في حدائق العاصمة ومدينة 15 مايو وحدائق أكتوبر وأكتوبر الجديدة والعاشر من رمضان، وسعر وحدات تحت الإنشاء لمنخفضي الدخل تسليم خلال 36 شهر، بمساحة 90 متر بسعر 700 ألف جنيه ودي هتكون في مدينة برج العرب الجديدة.
الصندوق حدد كمان الاقسام السنوية والربع سنوية اللي هيدفعها الناس للشقق دي وقال أن الشقق مساحة 75 متر، المواطن هيسدد قسط ربع سنوي في السنة الأولى بواقع 5 آلاف على 4 أقساط، والسنة الثانية هيسدد 6 آلاف على 4 أقساط، والسنة الثالثة هيسدد 7 آلاف على 4 أقساط.
اما بقي الناس اللي هتقدم علي الشقق مساحات 90 متر، فهنا المواطن هيسدد قسط ربع سنوي في السنة الأولى بواقع 7 آلاف على 4 أقساط، والسنة الثانية هيسدد 8 آلاف على 4 أقساط، والسنة الثالثة هيسدد 9 آلاف على 4 أقساط.
طيب اية هيا الأوراق المطلوبة للتقدمين في شقق الاسكان الاجتماعي؟.
صندوق الاسكان الاجتماعي حدد كمان الاوراق المطلوبة من المواطنين اللي عايزين يقدموا في الطرح الجديد وهيا شهادة دخل من جهة العمل، وإيصال مرافق حديث سوءا مياه أو كهرباء أو غاز وصورة بطاقة الرقم القومي، وقسيمة الزواج للمتزوجين وشهادات ميلاد الأبناء وايصال سداد مبلغ جدية الحجز.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
