استثمارات ضخمة.. إيه اللي بيحصل في اقتصادية قناة السويس - غاية التعليمية

غاية التعليمية يكتُب..  

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

إيه اللي بيحصل في المنطقة الاقتصادية في قناة السويس وإيه قصة مليارات الدولارات اللي داخلة السوق المصري وإيه العظمة اللي بتحصل في المنطقة.. خليكم معانا لأخر التقرير وهنشوف مفاجآت.

المنطقة الاقتصادية لقناة السويس دلوقتي هي قبلة الاستثمار مش في مصر بس دي كمان في افريقيا وحجم المناطق الصناعية العملاقة اللي بتتعمل هناك دلوقتي حكاية تانية ودولة زي الصين عملت صين صغيرة في المنطقة بعدد مصانع ضخم في كل المجالات ودا غير الاستثمار العربي.

طيب ايه اللي خلى المنطقة الاقتصادية دي جاذبة بالشكل دا؟
 

شوف ياسيدي الموقع الجغرافي للمنطقة فريد من نوعه لأن المنطقة بتطل على أهم شريان ملاحي في العالم وبجوار أهم المواني في المنطقة وفي تقاطع خطوط التجارة وعشان كده فيه سباق على الاستثمار  في المنطقة وكفاية نعرف إنه خلال العام المالي اللي فات (2023-2024)، أصدرت المنطقة الاقتصادية لقناة السويس، موافقات (نهائية ومبدئية) لتنفيذ 218 مشروع في المناطق الصناعية والموانئ التابعة لها باستثمارات إجمالية 5.1 مليار دولار.قبل 12 ساعة

طيب ايه الجديد في ملف الاستثمار في المنطقة؟

الجديد هو اللي كشفه جهاز التمثيل التجاري المصري، يحيى الواثق بالله لما قال إن الجهاز حاليا بيجري مفاوضات متقدمة مع 10 شركات من الهند والصين وتركيا والاتحاد الأوروبي، لتنفيذ استثمارات جديدة بالمنطقة الاقتصادية لقناة السويس.
وكشف كمان إن الاستثمارات الللي جاية بتقدر قيمتها بمليارات الدولارات، وبتشمل مشروعات بمجالات الهيدروجين الأخضر والصناعة.

وعلى فكرة الهيئة العامة للمنطقة الاقتصادية لقناة السويس وقعت من كام يوم بروتوكول تعاون مع جهاز التمثيل التجاري لتعزيز جذب الاستثمارات الأجنبية المباشرة فى المنطقة الاقتصادية لقناة السويس والأهم في البرتوكول دا إنه قرر تشكيل لجنة تنفيذية دايمة من الطرفين تجتمع بصفة دورية كل 3 شهور لمتابعة تطورات التعاون، ووضع خطط مستدامة للترويج للفرص الاستثمارية ودا غير تنظيم فعاليات دولية مشتركة وتقديم الدعم اللوجستي للوفود الاستثمارية الزائرة

ويخصوص نوعية المشروعات في المنطقة الاقتصادية جهاز التمثيل التجاري استقطب في كام سنة اللي فاتت أكتر من 50 مشروع استثماري في مجالات مهمة تشمل الطاقة والهيدروجين الأخضر والأمونيا والمنسوجات والملابس والصناعات الهندسية.

الجهاز كشف كمان إنه بيركز جهوده دلوقتي على جذب مشروعات للمنطقة الاقتصادية لقناة السويس في 4 قطاعات رئيسية وهي الأدوية والسيارات والطاقة المتجددة والصناعات الغذائية وكلنا عارفين أهمية المشروعات الاستثمارية.

الجديد بردو في الموضوع إن الجهاز عنده خطة للترويج للاستثمار بالمنطقة الاقتصادية لقناة السويس في مختلف الدول لكن التركيز هيكون على دول زي الصين والهند وتركيا والاتحاد الأوروبي.

خطط جذب المليارات بتشمل كمان الجهود الترويجية للتعريف بالفرص الاستثمارية المتنوعة داخل المنطقة الاقتصادية لقناة السويس اللي  بتشمل 21 قطاع صناعي وخدمي.