خرجت المطربة مي فاروق لتهاجم شقيق الملحن الراحل محمد رحيم وذلك بعد انتشاره الكبير في الإعلام والميديا منذ بداية الجنازة حتى وقتنا هذا، حيث سجل مع جميع المواقع الصحفية وعمل ميديا داي للحديث عن وفاة شقيقه، الأمر الذي جعل الجمهور يرجح أنه يحاول أن ينال شهرة على حساب وفاة شقيقه.
مي فاروق تهاجم شقيق محمد رحيم: حد يعالج الراجل ده
وكتبت مي فاروق في منشور رصده موقع تحيا مصر عبر حسابها الرسمي بموقع التواصل الاجتماعي فيسبوك: الله يرحمك يا غالي، يا ذوق يا محترم، عشت كبير ومحترم وهتفضل كده مهما حاولوا والله، لما بيحصل كده بعد ما مشيت، أمال كان إيه اللي حاصل وانت عايش؟!.
وتابعت مي فاروق حديثها: ربنا رحمك عشان طيبتك وجمالك وما تستاهلش القرف ده. اللي بيحصل ده مش لاقيه ليه اسم، لا دين، ولا ذوق، ولا أدب.. ده مش دم ده ميه!، حد يعالج الراجل ده، ولا يشوفوله حتة يقفلوا عليه؟.
مي فاروق تهاجم شقيق محمد رحيم: كفاية قرف.. بتركب تريد على سيرة إنسان الدنيا بتتشرف بيه
واختتم مي فاروق حديثها: كفاية قرف! كل حاجة مردودة والله، احترم اللي كنت عايش تتشرف إنك على اسمه، ولا نفسك في الشهرة وبتركب تريند على سيرة وسمعة إنسان الدنيا بتتشرف بيه؟، منتهى الرخص والقرف.. حسبنا الله ونعم الوكيل، كله مردود. أخص والله.. ألف أخص.
وهاجم رواد مواقع التواصل الاجتماعي المختلفة في الساعات الماضية شقيق محمد رحيم ووجهوا له انتقادات لاذعة بعد وصفه جثمان شقيقه وصف دقيق للغاية، جعل الجمهور يصدم من هذا الوصف الغريب.
شقيق محمد رحيم يصف جثمان شقيقه بطريقة مثيرة
وكان قد وصف شقيق محمد رحيم جثمان شقيقه قائلا: احنا روحنا اتخضينا من المنظر، بطنه كانت منفوخة زيادة عن اللزوم لدرجة أن الدكتور اللي جت قالت هو تخين كدة ولا اي، وجسمه مخشب وكأنه في حالة صدمة والدم متجلط في جسمه والرائحة بدأت تطلع مش حلوة خالص وكأنه ميت من فترة، ووشه تخين وأسمر وده خلانا نشك جدا لحد ما الدكتور جت وأكدت شكنا.
