مصر حاليا جت لها فرصة أنها تصدر للعالم دواء من نوع فريد.. والدواء ده هيفتح لمصر باب دولاري جديد من وسع.. ياتري اية الحاجة دي وازاي مصر هتحقق مكاسب اقتصادية من وراها.. ده اللي هنعرفه مع حضراتكم في الفيديو ده خليكم معانا للآخر
كلنا عارفين أن مصر كان عندها أزمة من كام شهر بخصوص توفير الدواء في السوق المصري، وكمان شوفنا الخطوات اللي قامت بيها الدولة لتوفير كل أنواع الدواء وسد النواقص في السوق المصري، وكمان شوفنا اللي الدولة علمته علشان توفر المواد الخام لشركات تصنيع الدواء والمواد الفعالة اللي بتدخل في صناعة الدواء علشان نعيد احياء صناعة مهمة بتهم كل مواطن مصري.
الأزمة اللي وقعت فيها مصر علي مدار الكام شهر اللي فاتو خلت مصر تعيد حساباتها في مجال صناعة الدواء، خصوصا ان مصر رائدة في المجال ده وكانت دولة رئيسية في تصدير الدواء لأغلب دول العالم خصوصا الدول الأفريقية واللي بتعتبر سوق مهم لتصدير الدواء بسبب أن اغلب دول افريقيا عندها امراض وأوبئة منتشرة بشكل كبير جدا وللاسف معنهمش اي امكانيات لتصنيع الدواء، علشان كده السوق الأفريقي حاليا واحد من أهم الاسواق اللي مصر بتصدر لها ادوية .
طيب اية المفاجاة اللي حصلت عليها مصر هتغير خريطة صناعة الدواء في العالم كله؟.
طبعا كلنا شوفنا الجهود الكبيرة اللي قامت بيها مصر علي مدار السنين اللي فاتت في موضوع مواجهة والتغلب علي مرض شلل الأطفال واللي هو متوطن في عدد كبير من الدول خصوصا في دول قارة أفريقيا .
الدكتور شريف الفيل رئيس مجلس إدارة الشركة القابضة للأمصال واللقاحات ، قال أن الدولة أطلقت التحالف المصري لإنتاج اللقاحات، وفي الفترة اللي فاتت وقعت عدد كبير من مذكرات التعاون لإنتاج لقاحات الالتهاب السحائي، وكمان وقعت اتفاقية مع شركة هولندية لإنتاج لقاح شلل الأطفال، والاتجاه الجديد للشراكة هيعتمد علي جلب المادة المركزة من اللقاحات، وهيكون مراحل التصنيع النهائية في مصر.
رئيس الشركة القابضة للأمصال قال أن مصر هتحصل علي المستحضر المركز من لقاح شلل الأطفال وكل عمليات التصنيع هتكون عندنا هنا في مصر من البداية اعتبارا من شهر يناير 2025 ، والاتجاه الجديد هيأمن إحتياجات مصر من اللقاحات وعدم ظهور المرض في مصر مرة تانية، وهيكون بمثابة شهادة عالمية للإنتاج المصري من لقاح شلل الأطفال، وده هيكون بوابة لمصر للإكتفاء الذاتي من اللقاحات وفتح الباب قدام التصدير للقارة السمراء وسد إحتياجات افريقيا من كل اللقاحات خصوصا أن قارة أفريقيا بتعاني من نقص شديد جدا من اللقاحات ومعروفة بانتشار أنواع ومتوطن فيها نسبة كبيرة من الأمراض وعندهم استعداد لدفع ارقام مالية كبيرة لمواجهة الأمراض المنتشرة في بلادهم.
رئيس الشركة القابضة للأمصال قال كمان أن إحتياجات مصر من لقاح شلل الأطفال بيوصل من 10 مليون الي 12 مليون جرعة سنويا، والمصنع ده هيوفر 15 مليون دولار سنويا كانت مصر بتصرفهم لاستيراد اللقاح من الخارج، وحاليا مصر هتصدر لقاحات بارقام دولارية كبيرة لعدد كبير من دول قارة أفريقيا ودول العالم.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
