ضوابط الحج السياحي للموسم الجديد اشترطت علي الناس اللي عايزة تقدم تدفع جدية حجز بتوصل ل 80 الف جنية.. ياتري اية مصير الفلوس دي لو حد من الحجاج موفقش في الفوز بالقرعة.. وأمتي يقدر يستردها
خلاص امنا علي موسم حج للحج وطبعا زي ما احنا عارفين أن الحج في مصر بتنظمه 3 جهات الاولي هيا وزارة السياحة والآثار واللي تنظم قرعة الحج السياحي والتانية هيا وزارة الداخلية واللي بتنظم قرعة الداخلية والتالتة هيا وزارة التضامن الاجتماعي واللي بتنظم قرعة الجمعيات الأهلية، وطبعا كل جهة من دول لها شروط علشان تستقبل حجوزات الناس اللي عايزين يدخلوا القرعة ويفوزوا فيها بتأشيرة للحج .
الثلاث جهات اللي بينظموا الحج عندي شوية اشتراطات بتمشي علي الكل أولهم أن التقديم في القرعة يكون في جهة واحدة بس، يعني مينفعش المواطن يقدم في قرعة الحج السياحي وقرعة وزارة الداخلية مثلا او يقدم في قرعة وزارة الداخلية وقرعة حج الجمعيات الأهلية وفي الحالة دي التقديم بتاعك هيتغلي في الجهتين ومش هيكون له فرصة في الفوز بتأشيرة حج في أي جهة منهم .
تاني شرط في ضوابط الحج علي ال 3 جهات هيا أن يكون المسافر معملش مناسك الحج علي مدار ال5 سنين اللي فاتت وفي حالة لو حد كان عمل مناسك الحج خلال ال5 سنين اللي فاتوا ففي الحالة دي الطلب بتاعه هيترفض علي طول بدون ما يدخل القرعة خصوصا أن التقديم بيكون الكتروني وبسهولة جدا من خلال سيتم مصلحة الجوازات والهجرة هتكون معروف إذا كنت سافرت قبل كده للسعودية في موسم الحج ولا .
طيب اية حكاية مبالغ جدية الحجز لقرعة الحج السياحي دي ؟.
ضوابط الحج السياحي واللي اعتمدها شريف فتحي وزير السياحة والآثار، تضمنت بند تحصيل 30 الف جنية من كل واحد عايز يشارك في القرعة علي برامج الحج السياحي للمستوي البري والمستوي الاقتصادي ده غير أنه هيدفع 150 جنية كمصاريف الكترونية للتسجيل في القرعة، اما الناس اللي عايزة تقدم في القرعة علي برامج ال5 نجوم فالضوابط اشترطت تحصيل 80 ألف جنيه منهم كمبالغ جدية حجز، ده غير 150 جنيه برضوا منهم مصاريف الكترونية علشان التسجيل برضوا .
وزارة السياحة والآثار قالت إن المبالغ دي كل واحد عايز يدخل القرعة وينافس علي تأشيرات قرعة الحج السياحي واللي هتوصل السنة لـ 36 ألف تأشيرة، في حساب غرفة شركات السياحة في بنك مصر، ووحددت الشروط برضوا مواعيد استرداد الفلوس دي في حالة لو المواطن الحظ محالفوش في الفوز بالقرعة، ويقدر يسترد الفلوس بتاعته من فروع بنك مصر المنتشرة في كل محافظات الجمهورية ببطاقة الرقم القومي بشرط أنها تكون سارية، بس الناس اللي قدمت علي برامج الحج للمستويات الاقتصادي والبري هتسترد 30 ألف بس من 30150 زي ما دفع خصوصا أن ال150 جنية دي رسوم الكترونية مش هتترد، وبرضوا الناس اللي قدمت علي برامج الحج 5 نجوم هيكونوا دفعوا 80150 جنية كمبالغ جدية حجز مش هيستردوا 150 جنية وهيستردوا ال 80 الف بس لانها برضوا رسوم الكترونية لا ترد .
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
