36 بنك شغال في مصر، وكلهم بيتنافسوا إزاي يجذبوا عملاء جدد ليهم، عشان كده بيقدموا خدمات مصرفية مميزة تجذب الناس وتخليهم يعملوا حسابات ومن هنا تبدأ رحلة البنك في الاستفادة من العميل وإفادته، وتبادل المنفعة بين البنك والعميل.
ومن أهم الخدمات اللي بتقدمها البنوك في السنين الأخيرة، هي خدمة المحافظ الإلكترونية، يعني مثلا بنك مصر عمل الخدمة دي عشان يسهل المعاملات اليومية، من دفع وتحويل فلوس أو حتى إيداع، فكله هيبقي بتكة واحدة ومن خلال الموبايل
ومش بس كده، لأ ده المحفظة كمان بتسهل عليك وبتريح من مشوار للبنك، وبتقدم خدمات تانية كتيرة، يعني هتستفيد هتستفيد وأنت كمان قاعد في بينك بدون أي مجهود.
ونقدر نقول، إن من أهم مزايا المحافظ الإلكترونية من بنك مصر على، أنها متاحة حتى لغير عملاء البنك من أصحاب الحسابات، لكن لازم في الحالة تزور البنك ولو مرة واحدة عشان توقع استمارة طلب الاشتراك في الخدمة.
أما بالنسبة للأوراق والمستندات المطلوبة لتفعيل محفظة بنك مصر، فلازم صورة البطاقة الشخصية بس تكون سارية، وكمان رقم الهاتف المحمول.
وبالنسبة لمزايا المحفظة الإلكترونية من بنك مصر، فهي كتيرة، ومنها إن متاح للعميل بعد تفعيل المحفظة الإلكترونية الاستفادة بالعديد من الخدمات المالية، زي الإيداع والسحب من ماكينات ATM.
وكمان متاح تحويل واستقبال الفلوس من أي محفظة تانية داخل مصر، وبرضو ربط بطاقات البنك مصر بالمحفظة، زي بطاقة الخصم المباشر، أو بطاقات الائتمان والدفع المسبق، وكمان دفع المعاملات المالية بكل سهولة.
ضيف على كل ده، إن متاح شحن رصيد الموبايل لأي رقم، ودفع فواتير الموبايل لأي رقم، وكمان سداد فواتير الخط الأرضي لأي رقم، وبرضو سداد فواتير الغاز والمياه والكهرباء.
متاح برضو، دفع اشتراكات النقابات والأندية، وشراء تذاكر الطيران، والشراء من خلال الـ QR Code، وممكن كمان تدفع فواتير الكهرباء والمايه والغاز والإنترنت، وتشتري من خلالها أونلاين، وتنفذ كل المعاملات الإلكترونية الخاصة بحضرتك.
أما بالنسبة لمزايا لذوي الهمم من أصحاب المحافظ الإلكترونية، فبتيح المحفظة الإلكترونية من بنك مصر 20% كاش باك عند تفعيلها للمرة الأولى للعملاء من ذوي الهمم، وبتيجي في صورة نقاط بيتم استبدالها.
وده طبعا بيجي كخدمة ضمن خطة الشمول المالي للدولة واللي بتستهدف كل شرائح المجتمع المصري، عشان تقدر تقدم لهم خدمات مصرفية سهلة وبسيطة وإلكترونية، تفيدهم وتريحهم وتسهل حياتهم وتوفر عليهم مشاوير كتير.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
