الدهب رايح على فين وإيه التوقعات الصادمة لأسعاره في مستهل 2025 وإمتي الوقت المناسب عشان تشتيري الدهب وامتي تبيع.. كل دا هنعرفه مع حضرانكم في التقرير دا بس خليكم معانا للأخر
لو عاوز تشتري دهب يبقي تنزل تشتري دلوقتي على طول لأن التوقعات اللي جاية بتقول إن الأسعار رايحه في العالي بداية من السنة الجديدة 2025 ودا مش كلامنا لكن دا كلام المؤسسات المالية الدولية وخبراء السوق..
ومثلا بنك جولدمان ساكس العالمي توقع في أخر دراسة ليه استمرار ارتفاع أسعار الدهب، خلال الفترة الجاية ومنتظر يزيد بحوالي 7%.
وأشار البنك في توقعاته الأخيرة، إلى وصول سعر المعدن الأصفر إلى 2700 دولار للأونصة مطلع 2025، مع الإشارة إلى أن موجة تخفيض أسعار الفائدة السائدة مؤخرا، هتدفع رأس المال للعودة للاستثمار بالمعدن الأصفر مرة أخرى، وبالتالي زيادة الطلب على الدهب وارتفاع سعره.
ورغم إننا بنتكلم هنا عن أسعار الدهب عالميا لكن بردو أي ارتفاع في سعر المعدن الاصفر بره بيأثر بشكل مباشر على سعر الدهب في الصاغة المصرية لأن الموضوع مرهون بالدولار وفي نفس الوقت بالطلب المحلي على الدهب واللي في حالة زيادة مستمرة وعشان كده خبراء الدهب في مصر بينتصحوا المستثمرين أو المواطنين بشراء الدهب في الوقت الحالي وكمان نصحوا الناس اللي معاها دهب ومخزناه متبعش دلوقتي وتستني ذروة الزيادة في 2025 وبعدها تفكرل تبيع.
طيب ليه كل التوقعات رايحة إن الدهب هيزيد عالميا ومحليا؟
شوف حضرتك فيه أسباب كتير بتخلي أسعار الدهب تزيد واهمها الصراعات الدولية والمخاطر الجيوسياسية واللي بتعتبر واحدة من أهم العوامل اللي بتحكم سعر الدهب واستمرار التوترات في الشرق الأوسط وأوروبا الشرقية معناه ارتفاع مستمر في أسعار الدهب، لان بيخلي في حالة تدافع للمستثمرين من أجل شراء الدهب للحفاظ على مدخراتهم.
وبتظهر نقاط الاشتعال الجيوسياسية في سنة 2025 في شكل حروب تجارية وصراعات إقليمية وفي حين أن التأثير المباشر على السوق غير مباشر من خلال قيم العملات والمزاج العام للاقتصاد الذي قد تسببه العقوبات واضطرابات الصناعات الرئيسية.
ولانه للأسف التوترات الدولية لسه مستمرة فده معنها إن الدهب ممكن يوصل إلى ذروته بين 2700 دولار و3000 دولار للأوقية في 2025، خاصة مع استمرار بقاء العوامل اللي بتساعد في زيادة أسعار المعدن الأصفر زي الصراعات وشراهة الشراء عند البنوك المركزية العالمية وخاصة البنك المركزي الصيني واللي رجع يستري تاني الدهب ودا غير سعر الدولار.
كمان سياسة خفض الفايدة عالميا من أكتر الأسباب اللي بترفع سعر الدهب في الأسواق العالمية لان خفض الفايدة معناه طلب وتحول كبير ناحية الدهب ووهجرة رؤوس الأموال من البنوك الكبيرة للاستثمار في الدهب بدل الاستثمار في شهادات الادخار أو أدوات الدين والسندات لأنه مع خفض سعر الفايدة الارباح هتقل وبالتالي المستثمرين هيدوروا على استثمار تاني أفضل والدهب هنا هو الخيار السليم.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
