أموال الاتحاد الأوربي تهبط على مصر.. اعرف حكاية المليار يورو - غاية التعليمية
غاية التعليمية يكتُب..
اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.
إيه اللي يخلي الاتحاد الأوروبي يدي مصر تمويل بقيمة مليار يورو؟ وهل الفلوس دي فعلاً هتعمل فرق كبير في اقتصاد مصر؟ وهل ده مجرد قرض ولا شراكة استراتيجية بين مصر وأوروبا؟في الفيديو ده هنشرحلك القصة كاملة وهنكشف كواليس التمويل الأوروبي وأهميته لمستقبل الاقتصاد المصري
الاتحاد الأوروبي أعلن بشكل رسمي إنه هيقدم قرض لمصر بقيمة مليار يورو.. وده جزء من اتفاق تم توقيعه في يونيو اللي فات بهدف تعزيز التعاون بين الاتحاد الأوروبي ومصر في مجالات مختلفة.
لكن السؤال هنا: القرض ده هيتصرف فين؟
الاتحاد الأوروبي أكد إن التمويل هيتم استثماره في قطاعات استراتيجية زي الطاقة النظيفة والتصنيع،والأمن الغذائي ودي كلها مجالات بتعتبر حيوية جداً لأي اقتصاد بيحاول يخرج من أزمة
طيب ليه الاتحاد الأوروبي بيدعم مصر بالمبلغ الكبير ده؟
فيه أكتر من سبب.. بس خلينا نبدأ من إن مصر واحدة من الشركاء الأساسيين للاتحاد الأوروبي في المنطقة وعندنا هنا موضوعين كبار شاغلين أوروبا أولخم الهجرة غير الشرعية ومصر بتستضيف حوالي 9 مليون لاجئ ومهاجر وده رقم ضخم جداً الاتحاد الأوروبي شايف إن دعم استقرار مصر الاقتصادي هيقلل الضغط عليها وبالتالي هيقلل من الهجرة غير الشرعية لأوروبا
كمان الأزمة الاقتصادية في مصرالبلد بتعاني من مشاكل كبيرة زي نقص العملة الأجنبية وارتفاع التضخم والاتحاد الأوروبي شايف إن استقرار الاقتصاد المصري هيساهم في استقرار المنطقة كلها
طب إيه اللي هيستفيده الشعب المصري من التمويل ده؟
الاتحاد الأوروبي قال بشكل واضح إن الفلوس دي مش بس لدعم الاقتصاد لكن كمان لدفع الإصلاحات اللي مصر شغالة عليها.. ورئيسة المفوضية الأوروبية "أورسولا فون دير لاين" قالت بنفسها إن القرض ده هيخلق بيئة أعمال أقوى وهيشجع الاستثمارات الخاصة وكمان هيوفر فرص عمل جديدة للشباب.. غير كده التركيز على الطاقة النظيفة هيساهم في تقليل الاعتماد على مصادر الطاقة التقليدية وده هيخلي مصر أكثر استدامة على المدى البعيد
طبعاً أي قرض بيجي مع تحديات.. مصر محتاجة تشتغل بجدية على الإصلاحات المطلوبة وتستخدم التمويل في الأماكن الصحيحة وده معناه استثمارات ذكية في قطاعات زي الزراعة والصناعة والطاقة.. لكن لو تم استغلال القرض ده بالشكل الصح ممكن يكون نقطة تحول للاقتصاد المصري خصوصاً في وقت صعب زي ده
والسؤال اللي لازم نسأله دلوقتي هل مصر هتقدر تستفيد فعلاً من التمويل ده وتحوّله لفرصة حقيقية تدعم الاقتصاد وتخفف الضغط على المواطن ول ممكن يبقا رصة من الفرص الضايعة الكتير اللى الحكومة معرفتش تستغلها؟ الأيام الجاية هي اللي هتجاوب على السؤال ده.. هنتابع مع حضراتكم وهنقولكم دايما ايه اللى بيحصل
كُنا قد تحدثنا في خبر أموال الاتحاد الأوربي تهبط على مصر.. اعرف حكاية المليار يورو - غاية التعليمية بأستفاضة، ويمكنك تصفح جميع الأخبار المتعلقة بهذا الشأن عبر موقعنا غاية التعليمية الالكتروني.
