قرض السيارة 2025..يا ترى لو عايز تشتري عربية جديدة ومش معاك المبلغ اللي يكفي تعمل إيه، هل في طرق متاحة تقدر تساعدك تجيب عربية بالقسط، والطرق دي هي إيه وتعملها إزاي، وإيه نسبة المخاطرة فيها.. هنقولك كل التفاصيل في التقرير ده فتابعنا للآخر.
دلوقتي، كل البنوك المصرية بتقدم برامج تمويل للسيارات الجديدة عشان تلبي طلب أي حد نفسه يشتري عربية، ولكن بتختلف نسبة الفائدة من بنك للتاني، وكمان الشروط وقيمة التمويل كمان بتختلف وبتكون حسب تعليمات كل بنك، عشان كده هنقولك على تفاصيل 3 قروض في البنوك لشراء السيارة.
أول حاجة، هي قرض بنك القاهرة، واللي بيبدأ من 15 ألف جنيه لحد 6 مليون جنيه حسب فئة العميل، وهنا البنك بيتيح لحضرتك مدة سداد لحد 7 سنين، ومش محتاج مقدم.
كمان، ممكن حضرتك تاخد القرض بضمان تحويل المرتب أو الأوعية الادخارية اللي عندك، أما بالنسبة للفايدة فبتتراوح بين 19.5 و24% وبتكون متناقصة سنويًا.
ولكن، بنك القاهرة بيطلب شوية عشان يدي حضرتك القرض، واللي أولها إن السن مايقلش عن 21 سنة ومايزيدش عن 65 عند نهاية القرض، وبس كده يا سيدي.
نيجي بقى لقرض السيارة من البنك الزراعي المصري، واللي بتصل قيمتع لمليون جنيه، ولكن البنك هنا بيطلب مقدم 25%، وفترة السداد لازم تكون 7 سنين، أما الفايدة فبتترواح ما بين 22% و24% حسب تحويل الراتب أو القسط.
وأخيرا، قرض السيارة من بنك مصر، واللي ممكن يوصل ل 6 مليون جنيه حسب فئة العميل، بس الحد الأدنى لعمر العميل لازم يكون 21 سنة، ونسبة التمويل هنا بتكون 100%، بس لازم حضرتك تسد خلال فترة 120 شهرًا، وهنا، بتبدأ الفايدة من 29% متناقصة حسب شروط البنك.
ولو فعليا أخدت قرض على أد ايدك، ونفسك تجيب عربية محندقة كده واستعمال خفيف، بحيث يكون سعرها أقل من ربع مليون جنيه، فبنرشح لك، العربية "هيونداي اتوس موديل 2005" مستعملة، واللي فيها عداد 114 ألف كيلومتر، لون أبيض، وناقل حركة مانيوال، وفيها تكيف وزجاج كهربائي، وسعرها 235 ألف جنيه.
أما العربية سيتروين كسارا موديل 2001 مستعملة، عداد 200 ألف كيلومتر، لون أسود ، ناقل حركة مانيوال، وفيها تكيف وزجاج كهربائي، فبتيجي بسعر 215 ألف جنيه.
كمان، للعربية دايو نوبيرا 1 موديل 1997 مستعملة، عداد 284 ألف كيلومتر، لون أخضر غامق، ناقل حركة مانيوال، وفيها تكيف وزجاج كهربائي ومرايات كهربائية، فسعرها 220 ألف جنيه، وعربية شيفرولية سبارك موديل 2010 مستعملة، عداد 150 ألف كيلومتر، لون أزرق، ناقل حركة مانيوال، وكمان فيها تكيف وزجاج كهربائي، وقفل مركزي للأبواب، فموجودة في السوق بسعر 240 ألف جنيه.
وقبل ما تشتري، هنقولك شوية نصايح عشان تضمن عملية شراء سليمة وفلوسك ماتضعش، أولها إنك لازم تجمع معلومات عن العربية اللي انت ناوي تشتريها كويس، ويفضل تاخد معاك حد فاهم في العربات عشان يتأكد من جودتها ويختبرها كويس، ولو عجبتك العربية وطلعت مناسبة ليك ماتنساش تعمل عقد رسمي بعملية البيع والشراء ويكون موثق في الجهات الحكومية وده عشان تضمن حقك.
وياريت تشتري من مكان معروف ومضمون وسمعته كويسة، وماتنساش توثق أوراق العربية أول بأول، عشان تضمن حقك وفلوسك في نفس الوقت، ومايتنصبش عليك، وكمان تشتري عربية مضمونة وتنجز مشاويرك.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
