يا ترى ليه الحكومة مهتمة بمحافظة بورسعيد في الفترة الأخيرة، وإيه أهدافها من بناء حوالي 500 مصنع في المحافظة دلوقتي، والمصانع دي هتنتج إيه، وهل هدفها تحقيق كفاية السوق المحلي ولا هتصدر، وهل فعليا الحكومة هتتجح في التجربة دي وتحقق المستحيل.. هنقولك كل التفاصيل في التقرير ده فتابعنا للآخر
في الساعات الأخيرة،الفريق كامل الوزير، نائب رئيس مجلس الوزراء للتنمية الصناعية، وزير الصناعة والنقل، عمل لقاء مع محافظ ومستثمري بورسعيد، عشان يشوف تحديات اللي بتواجه المناطق الصناعية بالمحافظة ويقدر يحلها، وده طبعا لأن الحكومة ناوية تحول بورسعيد لبؤرة صناعية كبيرة تنتج كل الصناعات اللي بتحتاجها مصر.
عشان كده، وزير الصناعة أكد إن دلوقتي بيتم دراسة إقامة مجمع مصانع جاهزة ل 450 مصنع على مساحة 73.3 فدان بالمنطقة الصناعية، وتحديدا في امتداد جنوب الرسوة لخدمة المصانع الصغيرة هناك.
ونقدر نقول، إن الوزير مهتم جدا بالمنطقة دب دلوقتي عشان كده قعد مع مستثمرين المحافظة، وده ضمن سلسلة اللقاءات الأسبوعية اللي بيعقدها كل أسبوع عشان يطور ملف الصناعة.
كمان، الاجتماع ده شهد استعراض الموقف التنفيذي للمناطق الصناعية المعتمدة والمجمعات الصناعية بمحافظة بورسعيد، واللي بتضم 5 مناطق صناعية بإجمالي مساحة 26211 فدان، وطبعا بتشمل المنطقة الصناعية بجنوب بورسعيد "الرسوة" واللي بتقع على مساحة 797.4 فدان، وامتداد المنطقة الصناعية بجنوب بورسعيد "الرسوة" واللي يتقع على مساحة 367.4 فدان، وكمان المنطقة الحرة العامة ببورسعيد واللي بتقع على مساحة 183 فدان، وده بالإضافة للمنطقة الصناعية ببورسعيد الجديدة واللي مساحتها 1289 فدان.
وكمان بتضم المنطقة الصناعية بشرق بورسعيد أو المنطقة الاقتصادية، واللي بتقع على مساحة 23574 فدان، بجانب 3 مجمعات صناعية قائمة بالمحافظة، وهي مجمع الصناعات الصغيرة والمتوسطة بامتداد جنوب الرسوة واللي بتيقع على مساحة 43.2 فدان، ومجمع "58 مصنع" واللي بيقع على مساحة 10392 متر مربع، ومجمع 3 يوليو للصناعات الصغيرة والمغذية واللي بيقع على مساحة 13065 متر مربع.
وبالنسبة للأراضي الصناعية في بورسعيد، فحاليا بيتم نقل ولاية كل الأراضي الصناعية الجديدة للهيئة العامة للتنمية الصناعية، عشان هي الجهة الوحيدة المنوط بها تخصيص الأراضي الصناعية للمستثمرين، وده عيان عشان وزارة الصناعة تنفذ الخطة الاستراتيجية للدولة للصناعة، يعني كل الأراضي الشاغرة والمسحوبة في المناطق الصناعية بالمحافظة هيتم طرحها على منصة مصر الصناعية الرقمية في الطرح الجاي، وهيتم مراعاة إضافة شرط جديد لاشتراطات المفاضلة في التخصيص، وهو إن تكون الأولوية في التخصيص لأبناء المحافظة.
عشات كده، هيتم تطبيق الشرط ده بعد التأكد من استيفاء المستثمر المتقدم لباقي اشتراطات المفاضلة واللي بتشمل استيفاء الشروط الفنية، والملاءة المالية وتوافق النشاط للمنطقة الصناعية، عشان تبقى بورسعيد واحدة من أكبر البؤر الصناعية في الشرق الأوسط.
ومن هنا، أكد وزير الصناعة على ضرورة توفير جميع سلاسل الإمداد والقيمة المضافة لقيام صناعة الغزل والنسيج في محافظة بورسعيد، باعتبارها من أهم الصناعات اللي بتشتهر بها المحافظة، عشان كل ده يسهام في إقامة صناعة حقيقية، ونقدر نقلل الاستيراد ونعتمد على التصدير عشان يجذب عملة صعبة تساهم بشكل كبير في دعم الاقتصاد المصري، وبكده نكون حولنا التراب لدهب.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
