لو معاك سيارة ملاكي أو يتسوق تاكسي ولا ميكروباص خلي بالك من مخالفات المرور في 2025 لأن المخالفات بقت عالية جدا وهتكلفك كتير وعشان كده لازم تكون عارف ايه المخالفات وايه عقوبتها عشان تسوق في أمان.
في الأول لازم نعرف إن تغليظ مخالفات المرور بيحصل عشان حماية أرواح الناس وقائدي السيارات والحد من الحوادث والرعونة في القيادة وعلى مدار الوقت الإدارة العامة للمرور بوزارة الداخلية بتعدل في قوانين المرور عشان تواجه المستجدات واخرها وضع التعديلات الجديدة على قانون المرور الجديد لقواعد واضحة لحماية حياة المواطنين، وتنظيم استخدام الطرق بشكل أفضل، من ضبط السرعات والغرامات، إلى تنظيم استخدام التوك توك والسيارات الخفيفة، بهدف خلق بيئة مرور متحضرة تنعكس على حياة كل مواطن.
مخالفات المرور الجديد
ومن أهم البنود اللي جاء في قانون المرور الجديد واللي وافق عليه مجلس النواب نهائيا إنه وفق المادة 13 من قانون المرور الجديد، يتم تطوير اللوحات المعدنية برسوم تتراوح بين 100 إلى 600 جنيه، مع إمكانية زيادتها بنسبة 10% سنويا، ويحدد رئيس مجلس الوزراء سقف الزيادات لضمان استمرار تحديث اللوحات بأحدث أساليب الأمان.
وبخصوص تنظيم مركبات الأجرة والتوك توك فالمادة 28 من قانون المرور الجديد نصت على أنّ المحافظ يحدد الحد الأقصى لعدد مركبات الأجرة والتوك توك في كل محافظة، ويصدر تعريفة الأجور بما يناسب ظروف المنطقة، لتجنب استغلال المواطنين وضمان تيسير حركة المرور بشكل منظم وآمن.
وقانون المرور واجه ظاهرة ركن السيارات في الشوارع لمدد طويل وشددت المادة 65 من قانون المرور الجديد العقوبات على منع ترك المركبات المهملة على الطرق العامة و بتوصل دلوقتي لرفع المركبات اللي بتشكل خطر على حركة السير فورا، وتحميل أصحابها رسوم الإيداع والإيواء، كمان هيتم بيع المركبات المهملة اللي صاحبها مسألوش عليها بعد مرور 60 يوم من رفعها.
وبخصوص المخالفات الكبرى اللي بتحصل تضمنت المادة 74 من قانون المرور الجديد بنود جديدة تزيد غرامات المخالفات الجسيمة زي عرقلة حركة المرور أو قيادة المركبات دون ترخيص لردع من يتسببون في تعطيل السير أو تهديد حياة الآخرين.
وعلى فكرة تم إضافة المركبة الخفيفة اللي بتشتغل بالطاقة ضمن فئات القانون وفق المادة 7 مكررا من قانون المرور الجديد، لتخضع للأحكام والضرائب نفسها المطبقة على التوك توك، لضبط حركة النقل وتسهيل تمييز المركبات العاملة في القطاع.
وفي المادة 65 مكررا 4 من قانون المرور الجديد، يخصص القانون 15% من عائدات بيع المركبات المهملة كحافز للعاملين في عمليات رفع المركبات وتنظيم حركة السير، بهدف تحسين كفاءة العمل وتحفيز القائمين على عمليات ضبط المخالفات.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
