يا ترى إيه قصة اكتشاف بير غاز جديد في البحر المتوسط، والبير أو الحقل ده هينتج كام متر مكعب غاز يوميا، وايه هي المكاسب الاقتصادية منه، وهل ممكن يكون بداية جديدة لسلسلة اكتشافات كبيرة جاية.. هنقولك كل التفاصيل في الفيديو ده فتابعنا للآخر.
دلوقتي الدولة المصرية بتتجه لزيادة إنتاجها من الغاز الطبيعي، عشان نقدر نعتمد عليه كلاعب أساسي في سد احتياجاتنا اليومية، وكمان يكون حل جذري وسريع لأي أزمة ممكن تحصل، زي أزمة انقطاع الكهرباء اللي حصلت من مدة وانتهت.
عشان كده، دلوقتي الحكومة المصرية شغالة على مجموعة خطط لزيادة وتعظيم إنتاج مصر من الغاز الطبيعي، واللي بينها التنقيب عن الكنوز دي، عشان كده تم اكتشاف آبار جديدة عشان تعزز إنتاجنا من الغاز الطبيعي.
ومن ضمن الآبار دي، البير اللي اتكلمت عنه مؤسسة (مييز) العالمية، المتخصصة في تقارير وأبحاث البترول والغاز والطاقة، واللي قالت إن شركة إكسون موبيل الأمريكية العملاقة، بدأت الأسبوع ده في حفر أول بئر لها قبالة سواحل مصر.
وأكدت كمان، إن هيتم حفر بئر نفرتاري-1 في منطقة شمال مراقيا في منطقة غرب البحر الأبيض المتوسط، والمنطقة دي لم يتم استكشافها بشكل كبير لحد دلوقتي، ولكن مؤخرا تم حفر البئر على عمق 1700 متر تحت سطح الماء على بعد 50 كيلومترًا من الساحل، بواسطة سفينة الحفر فالاريس دي إس-9.
وبخلاف يير الغاز، ففي الأيام الأخيرة وزير البترول المهندس كريم بدوي، التقى مارتينا اوبيتزي رئيسة منطقة شمال إفريقيا والمشرق العربي بشركة إيني الإيطالية، عشان يتابع أنشطة وبرامج عمل شركة إيني الإيطالية في مصر ، وموقف تقدم الأعمال في مناطق امتيازها لاستكشاف وإنتاج البترول والغاز.
وطبعا، شركة إيني الإيطالية اللي شغالة من أكثر من 70 سنة، لها دور كبير في ضخ استثمارات لتنمية موارد الغاز والبترول في مصر، وبتبعتر أكبر مستثمر في قطاع الطاقة في مصر.
عشان كده، وزير البترول ناقش مغ الشركة برنامج العمل لزيادة معدلات الإنتاج ، وكمان تطورات الأعمال في مناطق امتياز الشركة المختلفة بالبحر المتوسط والصحراء الغربية والدلتا وسيناء، وبحث الخطوات المستقبلية المشتركة في إطار العمل علي زيادة الاحتياطيات والإنتاج من البترول والغاز.
وده معناه إن في نية وإصرار من الحكومة على زيادة الاكتشافات في مجالات الغاز والبترول في الفترة الجاية، يعني نقدر نقول بالفم المليان إن مصر مليانة كنوز طبيعية، وإن منطقة البحر المتوسط مليانة أسرار، وهيتم تحقيق اكتشافات بترولي تانية كتير قريب جدا، عشان تغير خريطة الطاقة في مصر للأحسن، وتدعم الاقتصاد المصري بشكل مباشر.
وكل ده بالتأكيد هيساهم في رفع مؤشرات الاقتصاد المصري للأفضل وتقويته ضد الصدمات، ومش بس كده لأ ده كمان هينعكس بشكل إيجابي على حياة المواطن البسيط، وممكن جدا مايحصلش أي موجات تضخم وبالتالي يبقي في استقرار سعري أو في أسعار المنتجات اللي بنشتريها كل يوم، عشان تبقى الحياة أفضل.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
