يا ترى سوق العقارات في مصر رايح على فين في سنة 2025، هل هيشهد ارتفاع في أسعار الوحدات ولا هتنزل، وإيه هو أفضل وقت للشراء، واللي عاوز يشتري يستعد بكام.
كتير من المصريين في الفترة الأخيرة، بيدوروا على طرق سهلة ومعروفة لاستثمار فلوسهم، ومن أكتر الحاجات اللي بيفكروا فيها هي شراء عقار أو شقة، لأنه لا بياكل ولا بيشرب، كمان المكسب فيه بعد مدة بيبقي الضعف وأكتر كمان.
عشان كده لو حضرتك ناوي تشتري شقة أو عقار، فهنقولك الأسعار رايحة على فين فس السنة الجديدة.
بص يا سيدي، أغلب التوقعات بتقول إن أسعار العقارات هتشهد تحرك في سنة 2025، يعني ارتفاع في الأسعار، وده بسبب عوامل كتيرة، واللي أولها تحسن الاستقرار الاقتصادي وانخفاض معدلات التضخم، وزيادة تكلفة مواد البناء نتيجة لتقلبات السوق العالمية.
وكمان من ضمن الأسباب، هو زيادة الطلب على العقارات في المناطق الجديدة زي العاصمة الإدارية والعلمين الجديدة، عشان كده متوقع إن السوق العقاري في مصر يشهد نمو كبير في 2025، مدعومًا بمبيعات للشركات العقارية الكبرى ومبادرات حكومية واستثمارات أجنبية، كمان متوقع إن السوق يشهد دعم أكبر من قبل المستثمرين من دول الخليج وأوروبا في السنة الجديدة، خاصة في مشروعات العاصمة الإدارية الجديدة ومنتجعات البحر الأحمر والساحل الشمالي.
طب إيه هي أهم المناطق التي تشهد ازدهار عقاري في مصر؟
نقدر نقول، إنها المناطق العقارية الرئيسية، واللي لتشمل منتجعات البحر الأحمر لأنها منطقة استثمار كويسة للإيجارات طوال السنة، وكمان الساحل الشمالي اللي بيشهد زخم غير مسبوق في آخر سنتين.
ضيف على د، مدن شرق القاهرة، زي مستقبل سيتي، التجمع الخامس، مع مشروعات تانية كتير في التجمع الخامس.
ونرجع تاني ونقول إن من ضمن العوامل المؤثرة على السوق العقاري في مصر ، هي الاستثمار الأجنبي، وزيادة الجاذبية العقارية والمبادرات الحكومية والمشروعات القومية للمستثمرين، مذزي العاصمة الإدارية الجديدة، اذوالساحل الشمالي، ومدينة الجلالة، والعلمين الجديدة، وزيادة الاعتماد على الجولات الافتراضية وتقنيات الواقع المعزز، فكل ده كان سبب كافي في انتعاش سوق العقارات في مصر في 2024، واللي هيكمل لحد 2025.
طب هل الكلام ده معناه إن ممكن تحصل فقاعة عقارية في 2025؟
بص يا سيدي، عالم العقارات من القطاعات المهمة والمثمرة في عالم الاقتصاد، لأنه مرتبط الوثيق بالسكن، وكلنا بندور على سكن، لكن مصطلح الفقاعة العقارية، المقصود بيه إن أسعار العقارات مرتفعة ومش متناسبة مع الوحدة.
لكن الخبراء في الملف ده، أكدوا إن الفقاعة العقارية هي ظاهرة اقتصادية توجد في سوق العقارات، ومعناها وجود أسعار غير حقيقية لقيمة العقار، يعني في زيادة أسعار غير معقولة، ولكن الزيادة دي مش بتعكس قيمة العقار الحقيقية، بل هي نتيجة للتوهمات والتحليلات الخاطئة.
والإجابة كانت لأ، مش هتحصل فقاعة عقارية في 2025، وه لأن السوق المصري بعيد تماما عن فكرة حدوث فقاعة عقارية، لمجموعة أسباب، منها زيادة الطلب على العقارات بصورة كبيرة خلال الفترة الأخيرة، وكمان أسعار العقارات في مصر مناسبة مقارنة بسعر التكلفة والبيع، بجانب استقرار سعر الصرف.
كمان، في أسباب رئيسية وراء حدوث الفقاعة العقارية، أهمها الطلب المفرط على العقارات، وزيادة الإقراض البنكي، وانخفاض معدلات الفائدة، والتضخم الاقتصادي، بجانب الشائعات، يعني نقدر نقول أن حدوث الفقاعة العقارية في أي دولة بيترتب عليه عدد من النتائج، وهي انهيار السوق العقارية، وحدوث خسائر مالية كبيرة، وانخفاض الثقة في السوق، وده بجانب التأثير السلبي على الاقتصاد ككل، عشان كده مصر بعيدة عنها تماما، فلكل شخص ناوي يشتري عقار في 2025، نحب تقولوا اطمن وحط في بطنك بطيخة صيفي لأنك هتكسب هتكسب.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
