يا ترى هل في أحداث اقتصادية سعيدة هتحصل في مصر مع بداية السنة الجديدة 2024، وهل هيكون في مفاجآت هتسعد المصريين، زي مثلا زيادة مرتبات أو زيادة معاشات، أو انخفاض في أسعار سلع معينة، ولا الموضوع مرتبط بوظايف جديدة لملايين الشباب.
ملايين المصريين بينتظروا مع بداية سنة 2025، أخبار اقتصادية سعيدة، زي مثلا زيادة المرتبات والمعاشات وانخفاض الأسعار وفرص عمل جديدة وغيرها، عشان كده الحكومة المصرية مستعدة للستة "أخبار سعيدة" هتحصل في السنة الجديدة.
وأول خبر سعيد هيكون تقديم أو تبكير صرف مرتبات العاملين بالدولة، لحوالي 4 مليون و665 ألف و600 شخص موظف.
عشان كده، الحكومة بدأت تصرف مرتبات العاملين بالدولة عن شهر يناير بدءًا من 22 يناير، والمتأخرات هتكون أيام 5، 6، 8، 9 من الشهر نفسه.
كمان، هيبدأ صرف المرتبات شهر فبراير يوم 23 فبراير، والمتأخرات أيام 6، 9، 10 من الشهر نفسه، ومرتبات مارس هيبدأ صرفها 23 مارس، والمتأخرات أيام 6، 9، 10 من الشهر نفسه.
ولو عايز تعرف في زيادة هتحصل قريب في المرتبات ولا لأ، فنحب نقولك إن الحكومة بتدرس زيادة المرتبات 2025 ولكن لم يتم البت فيها لحد دلوقتي، ووفقا لكلام مجدي البدوي، نائب رئيس اتحاد عمال مصر وعضو المجلس القومي للأجور، أكد إن القرار النهائي بزيادة المرتبات ممكن يعلن عنه خلال أيام.
تاني خبر سعيد معانا، هو زيادة المعاشات، أو بالتحديد زيادة الحد الأدنى للمعاشات، وقالت هيئة التأمينات الإجتماعية، إن هيتم تطبيق قرار زيادة الحد الأدنى للمعاش وزيادة حدين أجر الاشتراك التأميني، لكل المؤمن عليهم بدءا من انهاردة 1 يناير 2025، وبكده يكون في حوالي 11.5 مليون مواطن من أصحاب المعاشات هيستفيدوا من قرار الزيادة.
وهيوصل الحد الأدنى للمعاش 1495 جنيه بدلًا من 1300 جنيه، يعني 195 جنيه زيادة لكل مستحق، أما الحد الأقصى للمعاش، فهيرتفع عشان يسجل 11.600 جنيه بدل من 10.080 جنيه، بزيادة بلغت 1.520 جنيه.
كمان، هيتم رفع الحد الأدنى لأجر الاشتراك التأميني عشان يوصل ل 2.300 جنيه بدل من 2000 جنيه، كمان هيرتفع الحد الأقصى إلى 14500 جنيه مقارنة بـ12600 جنيه من قبل كده.
ونقدر نقول، إن الزيادات دي بتيجي وفق الآلية السنوية اللي نص عليها القانون عشان نضمن تحسين قيم المعاشات المستحقة للمؤمن عليهم.
أما تالت خبر سعيد معانا في 2025، هو استقرار أسعار السيارات الجديدة، وده مش كلامنا، لأن المستشار أسامة أبو المجد، رئيس رابطة تجار السيارات، قال إن سنة 2025 هتشهد استقرار بشكل كبير في أسعار السيارت الجديدة لعدد من الطرازات، وده هيكون لعدد من الأسباب.
أول أسباب استقرار أسعار السيارات في السنة الجديدة، زي ما قال أسامة أبو المجد، هو إن مصر بدأت في إنتاج للسيارات محليا، وده هيوفر هيزود الصادرات المصرية من السيارات، وهيقلل استيراداها، وبالتالي الأسعار هتنزل في السوق المصري.
وبرضو الحكومة المصرية عملت اتفاقيات مع شركات السيارات العالمية، عشان تبدأ الإنتاج أو التوسع في تصنيع السيارات محليًا خلال الفترة الجاية، ومش بس كده ده كمان شركة النصر لصناعة السيارات، راجعة بقوة للسوق، وهتبدأ الإنتاج في مصنع الأتوبيسات بعد توقف دام نحو 15 سنة.
والكلام ده معناه، إن في شركات سيارات كتيرة هتبدأ الإنتاج المحلي لعدد من الطرازات خلال 2024، وده هيزود من حجم المعروض في السوق، وفي الوقت نفسه هيعمل حالة من استقرار الأسعار بشكل كبير.
رابع خبر سعيد معانا في 2025، هو فرص العمل وزيادات الاستثمارات في الدهب، والدليل على الكلام ده، إعلان شركة شلاتين للثروة المعدنية عن طرح مزايدة استكشاف واستخراج وإنتاج خام الدهب والمعادن المصاحبة من الصخور الحاملة له بنظام التعدين الأهلي.
وده دليل على إننا هنعظم إنتاجنا من اكتشاف الدهب الخام، خاصة في 8 مناطق جديدة، وبالتالي هيكون عندنا مخزون كويس نعتمد عليه ضد الأزمات الاقتصادية حتى لو كان دهب خام، وهيساهم بشكل كبير في دعم الموازنة العامة للدولة وتعزيز الاقتصاد وتحصينه ضد أي صدمات ممكن تحصل.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
