الرسوم الجمركية على التليفونات الذكية اللي أعلنت عنها الحكومة المصرية من كام ساعة، عملت قلبان في مصر، وده خلاه كل اللي معاه تليفون مستورد يكشف عليه، يا ترى عليه فلوس جمارك ولا لأ، فبدأ الكل يساوي حساباته عشان يعرف اللي ليه واللي عليه، وكمان عشان مايقعش في فخ الغرامات.
طب بعد قصة التليفونات الذكية، يا ترى لو معاك لاب توب أو ساعة ذكية مستوردة من بره، هل هي كمان هيكون عليها رسوم أو جمارك، يعني هل هتتطبق الضرائب والرسوم الجمركية على الساعات الذكية والتابلت واللاب توب؟
بص يا سيدي، الموضوع ده غير صحيح، يعني لحد دلوقتي مافيش قرار بوجود رسوم جمركية على الساعات واللابات المستوردة من بره وكمان أجهزة التابلت، هي مخصصة للتليفونات بس، يعني لازم حضرتك لما تيجي تشتري موبايل جديد، تاخد فاتورة ضريبية، ويكون مسجل فيها الرقم التعريفى للجهاز المكون من 15 رقمًا (IMEI).
بعد كده، هتستخدم تطبيق تليفونى للاستعلام عن الجهاز الجديد قبل ما تشتريه، عشان تعرف موقف تسجيل الجهاز والرسوم المستحقة عليه.
ومن هنا، قالت وزارة المالية، أن الرسوم والضريبة الجمركية على التليفونات المحمولة المستوردة زي ما هي ومش هتتغير، ومواطن جاي من بره له موبايل "مُعفى" للاستخدام الشخصى لفترة مدتها 3 أشهر.
وقالت كمان، إنه مش هيتم السماح للمواطنين بتسجيل هواتفهم المحمولة المستوردة بالمنظومة الإلكترونية الجديدة على تطبيق "تليفونى" من غير للرجوع لموظفى الجمارك.
يعني بالمختصر كده، لو أنت جاي من بره ومعاك لاب توك والساعات الذكية وأجهزة التابلت، فمش هيتم تطبيق الإجراءات بتاع الجمارك عليها، وده بحسب مصدر مسئول في وزارة المالية.
والكلام ده معناه، إن رسوم الجمارك هتزبق بس على التليفونات المحموةل، ولن يتم تطبيقه على الأجهزة الأخرى نهائيا.
بس لازم نقولك إن الدكتور مصطفى مدبولى رئيس مجلس الوزراء قال، إن أى جهاز هيدخل البلاد يخضع لضرائب ورسوم تُسدد للدولة، وده لأن حجم الأجهزة اللي بتدخل للبلاد بصورة مُهربة بأعداد كبيرة جدًا، مش فى مصر بس ولكن لبلدان تانية، بي البلاد التانية بتلجأ لإجراءات لضبط السوق، وتشجيع الصناعة المحلية على النمو، وهنا رئيس الوزراء بيقصد التليفونات بس.
كمان، في 5 شركات دولية قامت بفتح مصانع لإنتاج المحمول فى مصر، والقرار الجديد ده هيدعم عمل الشركات دي وهينعش سوق المحمول في مصر، وهيشجيع الصناعة المحلية للموبايلات عشان يكون لها القدرة التنافسية، وتقدر تحقق احتياجات السوق المصري من كل الأجهزة اللي محتاجها المصريين.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
