تحدثت الفنانة أميرة أديب عن دخولها مجال التمثيل والغناء، وعن رفض أهلها مساعدتها في ذلك الوقت لتقرر أن تسلك الطريق بمفردها من خلال السوشيال ميديا، لتكون تلك البداية الحقيقة لها وبداية معرفة المخرجين بها.
أميرة أديب: اهلي رفضوا أنهم يساعدوني في دخول التمثيل فلجأت للسوشيال ميديا
وقالت أميرة أديب خلال لقاءها مع الإعلامية إسعاد يونس في برنامج صاحبة السعادة والمذاع على قناة dmc: اهلي ربوني اني ابقى معتمدة على نفسي وكنت يسافر وأنا عندي 12 سنة لوحدي وكنت دايما بقول إني هتحط في اي حتة هدوس فيها، وأما روحت أمريكا محستش بأي حاجة غريبة كنت جاهزة جدا اني اعيش لوحدي.
وتابعت أميرة أديب في تصريحات رصدها موقع تحيا مصر: أهلي مكنوش عايزين يساعدوني في التمثيل فلجأت لفيديوهات السوشيال ميديا عشان المخرجين يشوفوني.
أميرة أديب: والدتي خافت من عالم السوشيال ميديا بردو لأني كنت من أوائل الناس في المجال ده
واستكملت أميرة أديب: أنا من أوائل الناس اللي ابتدت تعمل سوشيال ميديا بالشكل ده فكانت والدتي خايفة طول الوقت من دخولي المجال ده، وعجبني أن ليا صلة بالناس والناس حابة ده ولقيت ناس بتقول أن يساعدها في حياتها، وفعلا مخرج كلمني أما بقى يشوف فيديوهاتي.
وعن دخولها مجال الغناء و المزيكا، قالت أميرة أديب: الغناء ابتدى أما طريقة تفكيري اتغيرت كنت طول عمري نفسي اغني بس كنت بقول لنفسي صوتي مش حلو، وبعدين قولت لنفس اروح اتعلم وروحت اتعلمت وكنت بكتب مسلسل ليه علاقة بالراب وكدة بس مكنتش فاكرة اني هعمل مزيكا وحصلي واقعة إن قلبي اتكسر وكدة، قولت يارب لو المفروض أعمل مزيكا ابعتلي اشارت وفعلا بدأت أعمل.
أميرة أديب: عملت كارت محروق في ساعتين
واستكملت أميرة أديب رحلتها في الغناء، قائلة: قولت لواحد قريب صحبتي عايزة اجرب وكلنا قولنا مش وحشة وكل اللي انا حساه طلع فمشيت حاسة بحاجة، روحت عيد ميلاد بعديها بسنة قولتله عايزة اعمل مزيكا بجد و عايزة أعمل استعراضات وفاشون فقالي يلا دلوقتي حالا ورحنا عملنا كارت محروق في ساعتين، ولقتني بعرف أكتب مزيكا وبكتب اللي انا عايزاه فبتعلم عن نفسي حاجات اكتر.
