بنك مصر من أهم البنوك في مصر، وقاعدة عملائه بتضم الملايين، عشان كده البنك حريص يطور خدمته لكل فئات العملاء ومنهم أصحاب المشروعات.
وفي الأيام الأخيرة، بنك مصر أطلق خدمة مصرفية جديدة لأصحاب المشروعات، لأنه دايما حريص على تحديث وتقديم خدمات مصرفية أفضل لعملائه خاصة فيما يتعلق بالمشروعات الصغيرة والمتوسطة، فأطلق خدمة "إكسبريس تسهيلات"، عشان يمكن عملاء المشروعات من تمويل عملياتهم التجارية اليومية لحد 5 مليون جنيه، عشان يغطوا النفقات قصيرة الأجل.
ونقدر نقول إن الخدمة الجديدة دي سهلت الحصول على القروض وفترات السداد، وده بيجي من خلال إتاحة إمكانية السحب والإيداع بمبلغ التسهيل في أي وقت، عشان يناسب كل احتياجات العملاء.
ومن هنا، بيتم احتساب العائد الخاص بالمدين على المبلغ المستخدم فقط، كمان مكن النظام الجديد العملا من التقديم على تسهيلات أونلاين من أجل الحصول عليه في 5 أيام عمل بس، وده بيكون من خلال أبسط الإجراءات والمستندات تبعا للأحكام المنظمة والمتعارف عليها.
كمام، البنك زود دعمه للأصحاب المشروعات من 2 لـ5 مليون جنيه، وأكد أنه حريص على تقديم تمويل لازم لأصحاب المشروعات الصغيرة والمتوسطة عشان يتوسعوا في السوق، وكمان قرر زيادة الحد الائتماني لراغبي الحصول على التمويل أونلاين عشان يكون 5 مليون جنيه بدل 2 مليون.
وفي النهاية، تعتبر مبادرة بنك مصر دي خطوة إيجابية جدا ومحفزة في نفس الوقت لكل شاب نفسه يعمل مشروع صغير وبيدور على بنك يموله.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
