سوق الدهب دلوقتي بيشهد ارتفاعات كبيرة وغير مسبوقة، وكل التقارير بتشير لتحقيق ارتفاعات تانية خلال الفترة الجاية، وده بيجعل الدهب مش بس ملاذ آمن للادخار، لأ ده كمان فرصة كويسة جيدة للاستثمار والادخار.
ومن المنطلق ده، الحكومة المصرية عملت حاجة اسمها صناديق الاستثمار في الدهب، وده بهدف انها تخلق بيئة استثمارية آمنة في سوق الدهب، وعشان توفر فرص ادخارية تلبي احتياجات مختلف فئات المجتمع.
بس يا ترى إيه هي صناديق الاستثمار في الدهب؟
الصناديق دي أطلقتها هيئة الرقابة المالية المصرية، كوعاء استثماري متخصص للاستثمار في الدهب، وده بيبقي عن طريق طرح وثائق بيتم الاكتتاب فيها من خلال البنوك وشركات مرخص لها بكده.
وصناديق الاستثمار في الدهب دي بتوفر فرص استثمارية غير تقليدية للمواطنين عشان تُمكنهم من الحفاظ على قيمة مدخراتهم، وده طبعا بيُسهم بشكل واضح في تحويل الدهب من مجرد سلعة غير مدرة للعائد لأداة استثمارية يُمكن التعامل عليها بسهولة من خلال الصناديق ده، وكل ده بيحصل تحت إشراف الهيئة العامة للرقابة المالية، عشان تضمن حماية حقوق المواطنين.
ونقدر نقول إن أول صندوق مصري للاستثمار في الدهب كان بتاريخ مايو 2023، وهو صندوق «إي زد- جولد» (AZ-Gold) لشركة «أزيموت»، كمان تم إطلاق صندوق ثاني في يناير 2024، وهو صندوق بلتون إيفولف للاستثمار في الدهب، وكان عبارة عن "سبايك"، وكمان تم إطلاق صندوق تالت للاستثمار في الذهب في شهر يونيو 2024، وهو صندوق استثمار شركة الأهلي لإدارة الاستثمارات المالية وايفولف للاستثمار في الذهب صاحب العائد اليومي التراكمي – «دهب».
طب إيه هي خطوات شراء وثائق صناديق الدهب؟
بص يا سيدي، أول حاجة ان حضرتك تروح تفتح حساب للعميل بالشركة القائمة بتوزيع وثائق الصندوق، وبعد كده بتوقع الاستمارة الخاصة بالاستثمار في الدهب من خلال الصندوق، وبعد كده بيتحول المبلغ المالي المراد استثماره لوثائق استثمار في الدهب.
ولو حضرتك ماتعرفش أهداف صناديق الاستثمار في الدهب، فهي عبارة عن وعاء استثماري مختلف قدام كل فئات المجتمع، وخطوة لتحسين مستويات الشمول المالي والاستثماري.
كمان الصناديق دي بتعتبر، بدائل استثمارية سهلة بتراعي الشفافية والوضوح، وده لأن سعر الدهب بيكون مُعلن على موقع البورصة المصرية، وكمان يتيح الموقع الأسعار الاسترشادية لطلبات الشراء وعروض البيع للجرام الواحد من خام الدهب.
وبتتضمن المميزات كمان، إمكانية الاستثمار في المعدن النفيس من غير ما تشتريه او تخزنه، وكمان التحوط ضد مخاطر التضخم أو ارتفاع الأسعار اللي بتشهدها البلاد، من خلال المشاركة في استثمار منظم وآمن.
كمان، الميزة دب بتمكن حضرتك من البدء في الاستثمار بمبالغ صغيرة ممكن تبدأ ب10 جنيه ومن غير حد أقصى، وكمان مسموح تستورد فلوسك وده اللي بيميز الصندوق عن الشهادات البنكية التقليدية بسهولة السحب.
وفي النهاية، هنقولك أسعار الدهب انهاردة، واللي سجلت للجرام عيار 24، 4131 جنيه، أما الجرام عيار 21 فسجل 3615 جنيه، و عيار 18 ب 3098 جنيه، وأخيرا الجنيه الذهب ب 28920 جنيه.
فلو حابب تنزل تشتري دهب أو تستثمر فيه، ماتترددش.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
