علق الرئيس عبد الفتاح السيسي على استيراد السلع الاستفزازية بأسعار عالية، وذلك خلال افتتاح محطة قطارات صعيد مصر فى بشتيل.
الرئيس السيسي يوجه رسالة للمستثمرين بشأن السلع الاستفزازية
وقال الرئيس السيسى خلال كلمته التي يرصدها تحيا مصر: يا أهل الصناعة يا مستثمرين يا بتوع النبوك.. اللي قدامكم ده عبارة عن فرص عمل صنعوها هنا بدل ما نستوردها.
الرئيس السيسي: عطور ومزيلات عرق ومندايل تواليت بقيمة 440 مليون دولار وبتلموني عشان الدولار غلي
وتابع، عطور ومزيلات عرق ومندايل تواليت بقيمة 440 مليون دولار وبتلموني عشان الدولار غلي، مستعرضًا أسعار بعض السلع ومنها حقائب اليد : 200 مليون دولار، شوكلاته 400 مليون دولار، السيراميك 235 مليون دولار، الجبن بـ مليار و200 مليون دولار.
واستطرد الرئيس: 9 مليارات دولار تليفون محمول ومنتجات أدوية بعضها يمكن ماتقدرش تعمله لكن يا ترى كل الأدوية ماتقدرش تعملها؟..عندنا أهم حاجة الناس بتستسهل بدل ما يجيب الكلام ده ويعمله في مصر ويخش في متاهات مع أرض وتمويل ونقل تكنولوجيا من بره علشان ينتج اللى بنقول عليه ده، يقول اشتريه أسهل.
الرئيس السيسي: السيارات 25 مليار دولار.. معقول مش قادرين نخلي شركات السيارات تنتج سيارات في مصر
وأردف، منقولش نقفل البلد يعني.. ورق الفويل 500 مليون دولار مابنعملوش؟ ..الجبنة 1.2 مليار دولار.. نقول للناس مش عارفين نعمل مصانع ننتج الحاجات اللى الناس عاوزاها.. الحلول معانا إحنا كمصريين كرجال أعمال.. اللى مكتوب عبارة عن فرص عمل لإنتاج المنتجات دي لمصر وتبيعه وناس بتشتغل وناتج محلي وشوية ضرايب للدولة.. السيارات 25 مليار دولار معقول مش قادرين نخلي شركات السيارات تنتج سيارات في مصر نستور بس نسبة.. إذا كنتم عاوزين تتجاوزا تحدي الدولار لازم نسبة كبيرة من هذه المنتجات يتم تصنيعها في مصر وده امر مش سهل ومدعمين الحكومة حتى تخرج هذه المنتجات في اقرب فرصة.. بقا إحنا بنجيب عطور ومش قادرين نعمل في مصر حاجات زي كده؟.
وأضاف، معقولة بنستورد أوراق الفويل؟.. بقا مش قادرين نصنعه وبنستورده بـ نصف مليار دولار.
من جانبه، وجه الرئيس السيسي رسالة لأهالي سيناء قائلًا: كنت أتمنى حضوركم هنا للمشاركة في افتتاح المحطة، نرحب بكم، وما نفعله الآن هو من أجلكم، وأوصيكم بالحفاظ عليه وعلى كل ذرة رمل من سيناء.
هذا وأوضح الرئيس عبد الفتاح السيسي، أهمية مشروعات الدولة في قطاع النقل، مشيرا إلى أن التكلفة المالية لمشروعات قطاع النقل المختلفة تقدر بنحو تريليوني جنيه.
