لو بتستخدم "انستاباي".. شوف الجديد في الخدمة

أكتر من 6 مليون مصري دلوقتي بيستخدموا تطبيق انستاباي للتحويل اللحظي بشكل يومي، عشان يوفروا على نفسهم مشوار لماكينة الـ ATM أو للبنك، لأننا ببساطة في عصر السرعة.

عشان كده، تطبيق "إنستا باي" الصادر عن البنك المركزي المصري، بيقدم خدمات عاجلة لعملاء البنوك في القطاع المصرفي، عشان ينفذوا معاملات يومية وشهرية بمبالغ كبيرة بداية من 70 ألف جنيه للمعاملة الواحدة وبتوصل لحوالي نص مليون في الشهر.

أما حدود السحب على تطبيق إنستا باي، فالحد الأقصى للمعاملة الواحدة 70 ألف جنيه، أما الحد الأقصى للمعاملة اليومية 120 ألف جنيه، والمعاملة الشهرية 400 ألف جنيه.

بس لو حضرتك مش عندك "انستا باي" فلازم تعمل دونلود للتطبيق من اب ستور أو جوجل بلاي، وتسجل بياناتك في البرنامج.

بعد كده، أعمل تأكيد رقم الهاتف المحمول، ودخل بياناتك الشخصية، وماتنساش تفعل البصمة عشان تعرف تفتح التطبيق.

كمان لازم، تختار اسم البنك اللي بتتعامل معاه، وضيف بيانات البطاقة البنكية، وحسابك البنكي، وأخيرا دخب رقم سري IPN PIN عشان تضمن سرية معلوماتك، وبس كده.