سردت فتاة موقف مؤثر رأته فى مول سيتى سنتر ألماظة، مطالبه مسئولى المول بالتدخل وتوفير كرسي لراحة أفراد الأمن.
وقالت الفتاة ،" في حاجة نفسي أتكلم فيها من فترة، لو بتروحوا سيتي سنتر ألماظة هتلاقوا دايمًا على مدخل المول من الباركينج بنت بتبقى واقفة على الباب ومفيش جنبها أي كرسي، في مرة سألت واحدة منهم انتو ليه مفيش كرسي تقعدوا عليه؟قالتلي هم بيقولوا إن ده نظام الشغل يا توافقوا عليه يا لأ طب الشيفت قد ايه؟ 8 ساعات
وتابعت،" فهل منطقي إن في إنسان مهما كانت قدرته الجسدية يقدر يفضل واقف ٨ ساعات من غير ما يقعد؟وليه أصلا؟مبدأيا هم حتى ولا بيفتشونا مثلا؟ولا هم security ولا في أي حاجة تستدعي إنهم يبقوا واقفين طول المدة دي بلا هدف".
واستطردت الفتاة،"فيعني بعد إذن المول والمنطق وصحة الناس رأفة بيهم المفروض يبقى فيه كرسي لما تتعب تقعد عليه، مش هقولك حتى تفضل قاعدة عليه لو ده شغلها إنها تقف تستقبل الناس بس مش هتستفيد حاجة لما شابة صغيرة يجيلها الدوالي بدري بدري وماتبقاش قادرة تشتغل ومحدش يقول ماهي اللي وافقت على الوضع ده،عشان ظروف الحياة ااصعبة ولو في ايديها ماتشتغلهاش، فيا ريت احنا كمان مانصعبهاش عليهم.
إخلاء مسؤولية إن موقع عاجل نيوز يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
