طول عمرنا بنسمع عن شائعات بتتقال وتنزل فجأة من ناس "غير معروفة" والهدف منها واضح جدًا.. إنهم يهزوا ثقة الناس في اقتصاد بلدهم!
الشائعات الاقتصادية بالذات مش بتيجي من فراغ.. دي معمولة بإتقان وبتتصرف عليها ملايين علشان تشكك الناس، وتعمل حالة من البلبلة وعدم الاستقرار! وآخر حاجة، موضوع إن مصر بتطلب زيادة في الشريحة الرابعة من قرض صندوق النقد .. اللي هو، كلام من غير دليل ولا أي مصدر رسمي!
بس السؤال هنا.. ليه الناس دي مركزة على الاقتصاد المصري تحديدًا؟ ببساطة، علشان اقتصادنا فعلاً في تقدم، واستقرارنا مخلي بلدنا نقطة جذب لاستثمارات كتير، وده عامل قلق لبعض الناس اللي مش عايزة مصر تكبر وتتقدم
كمان هما عارفين إن الاقتصاد هو مفتاح الاستقرار.. عايزين يضربوا أي خطوة إيجابية بتتاخد، علشان يخلوا الناس تحس إن البلد ماشية في أزمة، بس في الحقيقة مصر ماشية بخطى ثابتة وتطور اقتصادي مستمر
فيا جماعة، قبل ما نصدق أي كلام يتقال.. نفكر ونبحث ونتأكد من مصادر موثوقة.. وإحنا واثقين إن بلدنا ماشية في الاتجاه الصح، مهما حاولوا يهزوا الثقة.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
