في كلام كتير حصل في الفترة اللي فاتت عن تحويل دعم السلع التموينية لدعم نقدي، الكلام ده عمل لغط كبير علي الموضوع ده.. ياتري اية اللي هتعمله الدولة علشان تحول دعم السلع التموينية لدعم نقدي.. وهل الموضوع ده هيضر المواطن في حاجة.. خليكم معانا للآخر وهتعرفوا التفاصيل في الفيديو ده.
الحكومة حاليا اخذت قرار بتحول نظام الدعم السلعى لدعم نقدي، وأعلنت عن اسناد مهمة مناقشة الموضوع ده والخروج بخطة واضحة لتقديمها للحوار المجتمعى خصوصا أن الخطوة دي الهدف منها هو تخفيف العبء عن موازنة الدولة ووصول الدعم لمستحقيه وتقديمه بصورة أفضل وأكثر استدامة.
طيب احنا عندنا كام مواطن بيستفاد من الدعم التمويني؟.
الحكومة أعلنت عن وجود اكتر من 60 مليون مواطن بيستفيدوا من منظومة دعم السلع التموينيةن وفي اكتر من 70 مليون مواطن بيحصلوا علي الخبز المدعم بواقع 5 أرغفة يوميا بتكلفة 20 قرش للرغيف، وكل فرد مقيد على بطاقة التموين بيحصل على سلع بقيمة 50 جنيها شهريا بحد أقصى أربعة أفراد مقيدين على البطاقة، وفي حالة زيادة عدد الأفراد علي بطاقات التموين عن 4 أفراد، ففي الحالة دي المواطن بيحصل علي دعم سلعى بقيمة 25 جنيها فى الشهر، ومعني كده أن الأسرة اللي بتتكون من 4 أفراد بتحصل على سلع بقيمة 200 جنيه شهريا.
طيب ليه الحكومة عايز تحول دعم السلع التموينية لدعم نقدي؟.
علي الرغم من ان دعم السلع التموينية بيوفر حماية كبيرة للفئات الأولى بالرعاية وتوفير الحد الأدنى من الأمن الغذائي، لكن في الفترة اللي فاتت ظهرت فيه شوية عيوب كبيرة أولها أن الدعم مش هيوصل للمستحقين، وبيستفاد منه ناس كتير غير مستحقين وفي جزء كبير من الدعم والسلع المدعمة بيخرج للسوق السوداء.
وعلشان وزارة التموين والتجارة الداخلية توصل الدعم للمستحقين، قامت في الفترة اللي فاتت بجهود كبيرة لتنقية وتحديث قاعدة بيانات المنظومة وتحديد الفئات المستحقة للدعم واستبعدت غير المستحقين منه.
بعد الكلام بتاع تحويل الدعم لدعم نقدي، بقي في قلق كبير عن الناس عن الموضوع ده وكل الناس حاليا بتسال عن نصيبهم من الدعم وموعد تطبيقه، وهل هيكون سلبي عليهم وهيحصلوا ازاي علي الدعم النقدي.
وزارة التموين والتجارة الداخلية قالت أن في اكتر من سيناريو مطروح بخصوص قضية الدعم أولها النظام الموجود حاليا وهو تقديم الدعم السلعى بشكله الحالى بدون تغيير، وده سيناريو مستبعد ونسبة تطبيقه مش هتتعدي 1% .
أما السيناريو التانى واللي محتمل تطبيقه هو تقديم دعم نقدى كامل من خلاله المواطن هيحصل علي مبلغ مالي هتحدده وزارة المالية ومن خلاله المواطن هيقدر يشتري كل اللي يحتاجه من السلع بقيمة المبلغ، وفي الحالة دي وزارة التموين هترفع ايديها تماما عن الدعم السلعى وكمان دعم الخبز، وهتتحول إلى وزارة للتجارة الداخلية ومش هيكون فيه تموين.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
