هو ليه أي مشروع جديد من طلعت مصطفى بيكسر الدنيا؟ وإيه السر اللي بيخلي الناس أول ما تسمع عن طرح جديد من المجموعة تروح تحجز من غير تفكير؟ وإزاي مجموعة عقارية قدرت تحقق أرباح تخطت 9 مليار جنيه في تسعة شهور؟ وليه اسم "طلعت مصطفى" بقى مرادف للثقة والجودة مش بس في مصر، لكن كمان على مستوى الشرق الأوسط؟.. خلينا نجاوب على كل الأسئلة دي ونفهم أكتر عن سر نجاح المجموعة اللي بقت نموذج للتطوير العقاري الناجح.
لو انت مواطن عادي أو حتى متخصص أو مهتم بقطاع العقارات فى مصر فاكيد شايف خحم النجاحات الكبيرة اللى بتحققها محموعة طلعت مصطفى وأكيد بتسأل نفسك ايه السر واسمعنا الشركة دي بالذات اللى بتحقق أرباح هيالية وازاى فى وقت كل رجال الأعمال واصحاب الشركات بيشتكوا مجموعة طلعت مصطفى تكاد تكون الوحيدة اللى بتبنى وتعمر فى مصر ويره مصر
فيا ترى ايه سر الثقة في مشروعات طلعت مصطفى؟
فيه أسباب كتير خلت طلعت مصطفى محل ثقة أهمها المشاريع اللي بتتكلم عن نفسها زي "مدينتي"، "الرحاب"، "سيليا"، "نور".. ودي مش مجرد مشروعات سكنية دي مدن متكاملة فيها كل اللي محتاجه من خدمات تعليمية وطبية لحد أماكن ترفيهية ومولات عالمية لما تبني مدينة مش مجرد شقق أو فيلات الناس بتثق إنهم هيلاقوا حياة متكاملة مش مجرد سكن
وده اترجم فى أرقام مهمة حققتها طلعت مصطفى كان اهما 470 مليار جنيه مبيعات من بداية السنة.. الرقم ده لوحده أكتر من مبيعات أكبر 9 شركات عقارية مجتمعة.. وكمان 1.2 مليون ساكن في مدن المجموعة حالياً والرقم ده متوقع يزيد لمليونين خلال 7 سنين بس.. بالاضافة للتطوير المستمر.. المجموعة مش بتقف عند المشاريع الحالية مثال على كده "ساوث ميد" على البحر المتوسط اللي استثماراته وصلت لتريليون جنيه وبيستهدف خلق 1.6 مليون فرصة عمل مباشرة
إزاي طلعت مصطفى بتتحقق الأرباح الخرافية دي؟
المجموعة ناجحة جدا فى تنويع استثماراتها .. قطاع الفنادق مثلا كان نجم السنة اللى فاتت الإيرادات فيه زادت 190%، وده بفضل التشغيل الممتاز للفنادق زي "فورسيزونز" الحاليين وكمان التحضيرات لافتتاح "فورسيزونز مدينتي" و"فورسيزونز الأقصر".. واللى حصل ان تقلبات العملة كانت في صالح المجموعة وده انعكس بشكل إيجابي على الأرباح لأن المجموعة عندها دخل دولار كبير خصوصا من السياحة والمشروعات اللى بتنفذها خارج مصر زي مشروع بنان اللى بتنفذه فى السعوجية وحقق أرقام ميسعات تاريخية بمجرد طرحه
والمجموعة مهتمة أوي بالشراكات مع الدولة.. نموذج الشراكة بين القطاع الخاص والحكومة نجح جداً زي في مشروع "مدينتي" اللي حقق عائد للدولة تجاوز 100 مليار جنيه..و ده دليل على إن الشراكات الذكية بتحقق مكاسب للجميع
طي ليه أي طرح جديد لطلعت مصطفى بيحقق إقبال كبير؟
ده بسبب الجودة اللي بقت علامة مسجلة.. المجموعة بتقدم منتج مختلف عن السوق مفيش كلام عن تأخير أو تسليم بجودة أقل من المتوقع لما الناس تحجز هي عارفة إنها هتلاقي اللي اتوعدت بيه
كمان تصميم المدن المتكاملة.. أى مشروع جديد من طلعت مصطفى مش مجرد شقة أو فيلا.. ده مجتمع كامل. زي مشروع "نور" اللي بيقدم أسلوب حياة جديد تماماً، ومستهدف إنه يخدم أكتر من مليون شخص في شرق القاهرة
كمان الشراء من طلعت مصطفى استثمار طويلة الأجل.. والناس بتشوف إن الاستثمار في مشروعات المجموعة مش بس للنهاردة، لكن كمان للمستقبل… سعر الوحدة بيزيد مع الوقت وجودة الحياة بتتحسن.
الخلاصة .. "طلعت مصطفى" قدرت تحقق معادلة صعبة: ثقة الناس + مشروعات مبتكرة + جودة استثنائية. ده مش مجرد تطوير عقاري ده استثمار في المستقبل
فكر كده، لو كان عندك فرصة تستثمر أو تشتري في مشروع جديد لطلعت مصطفى، هتتردد؟ ولا هتكون ضمن الملايين اللي اختارت الثقة والجودة؟
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
