علق الإعلامي إبراهيم عبد الجواد على واقعة وفاة محمد شوقي لاعب نادي كفر الشيخ أمس الثلاثاء بعد تعرضه لأزمة صحية في إحدى مباريات دوري الدرجة الثانية.
وقال ” عبد الجواد” :” اعتذر للجمهور وبقولهم أنا أسف جدًا جدًا جدًا .. لأن الكلام اللي هقوله كلام مكرر وأتفال قبل كده ستين مرة لكن واجبي وعملي اللي هتحاسب عليه يجبرني اني لازم أتكلم”.
أشار :” عندنا لاعب أسمه محمد شوقي اللي توفي اليوم ربنا يرحمه ويجعل مثواه الجنة في مباراة لكفر الشيخ بسبب أزمة قلبية، وسوء التعامل معه بسبب نقص الإمكانيات”.
وأضاف ” عبد الجواد” خلال تقديمه حلقة جديدة من برنامج ” ملعب أون” على قناة ” أون تايم سبورتس : ” من بعد ما اللي حصل لـ أحمد الشيخ مفيش حاجة اتعدلت ولا اتغيرت”.
وتابع :” من بعد حادث محمد شوقي أصدرت وزارة الشباب والرياضية بيان تؤكد فيه على ضرورة عمل ملف طبي لكل لاعب في الدرجات المختلفة”.
وتساءل ” عبد الجواد” :” المفروض كوزارة شباب ورياضة مع كل التقدير والاحترام ليهم .. المفروض يموت كام واحد عشان نتحرك ونتاكد من تطبيق الإجراءات الطبية وليه الحاجات دي محصلتش من بعد موضوع أحمد رفعت”.
وأستطرد ” عبد الجواد” :” من بعد وفاة أحمد رفعت مفيش أي حاجة اتغيرت وقسما بالله انا زهقان وانا بقول الكلام لأنه مكرر والواحد بقى حاسس إنه بيلت ويعجن دون فائدة ومفيش حاجة هتتغير”.
