احتياجات المعلمين.. هل تنفذها الوزارة والدولة ؟

وزارة التعليم هى الشاغل الأول للمصريين.. الاب بيسأل ابنه ذاكرت؟ قبل م يسأله أكلت ؟
المعلم هو اب وصاحب اسرة انسان قبل أن يكون معلما.. من هو الذى لا يتمنى ان يعيش فى سعادة ؟ المعلم فى حاجه دائمة للسعادة.. هل هناك وسائل لتحقيق السعادة للمعلم.. ايوة احنا نقدر نصنع مليون سعادة.. وممكن الدولة تساعد فى زيادة السعادة والبهجة للمعلمين ؟ 

كيف نصنع السعادة للمعلمين ؟

فيه خطوات معنوية تقدر عليها الوزارة وفيه خطوات مادية تحتاج إلى الدولة ؟ وقبل ان نتحدث فى الخطوات أوجه رسالة إلى بيتى الحبيب وزارة التعليم اقول فيها " هناك ثغرات قانونية وتشريعية فى قانون الكادر ولازم نتحرك ل علاجها سريعا.. الثغرات دى صنعها الاخوان فى تعديلات ٢٠١٢ ثم التعارض بين الكادر وقانون الخدمة المدنية فى بعض النقاط " يا ريت نتحرك ونطالب بالتعديل لأن عزيز مصر بيقول " احنا م عندناش وقت "  وخدوا بالكم لأن الخلايا النايمة بتلعب على تلك الثغرات.. مفيش سلبى ح يقولك انا موجود.. لكنه ح يشتغل على السلبيات وانه متضايق ويزود عدد المتضايقين معاه وينشر روح السلبيه.. يا ريت نتحرك وبسرعة..

ما هى نقاط تحقيق السعادة للمعلمين؟

١- فين ترقيات دفعة ٢٠١٩ ؟ لماذا لم يتم الإعلان عنها حتى تاريخه ؟
أيضا المعلمون الجدد ليه اجراءات تسليمهم العمل بطيئة.. دا انت ح تسدد بيهم عجز.. يا ريت كل الجهات تنجز فى الاجراءات وبلاش إطالة فى مدد الاجراءات والتدريبات والفحوصات
٢- متى يحصل المعلم على حقه فى الاستمتاع برصيد إجازاته صيفا ؟ اللى بياخد اجازة اكتر من خمسة ايام بيخصموا من مرتبه حافز الاداء وعلاوة الاعباء.ودا باب خلفى لامور أخرى.
٣- زيادة مكافأة امتحانات الشهادات العامه وخاصة الاعدادية ؟ مكافآت ضعيفة وقيمة تصحيح الورقة ضعيفة جدا فى الاعدادي.
٤- محتاجين زيادة فى المرتبات.. ح تقولوا منين.. ح اقولك من الفائض فى أعباء خدمة دين.. لو تم تإجيل رد بعض الودائع او خفضت سعر الفائدة.. وأعتقد أن ذلك حدث ويحدث وسيحدث.. كمان احنا جات لينا إيرادات زيادة من الضرايب وكمان عندنا احتياطي موازنة.. شدوا حيلكم الأسعار بتسوينا بشويش.
٥- إلى سيادة الوزير.. نسقوا بين المتابعة والموجهين.. علشان المدرسين اجهدتز بينهم.. وأسألوا المعلمين.. 
٦- محتاجين كل معلم يقوم بتدريس تخصصه بقرار وزارى فورى بديلا عن تغيير المسمى الوظيفى.. يعنى ايه معلم تخصصه لغة انجليزية او علوم او دراسات وتلاقيه بيدرس عربى وحساب لطلاب أولى وتانية وتالته ابتدائى  .. وظف المعلم فى موقعه السليم بعيدا عن الروتين.. وعلم الطلاب من معلم متخصص..
٧- ترقيات المعلمين.. ليه م تبقاش زى العاملين بقانون الخدمة المدنية.. وليه علاوة الترقية ٥ ج.. طب ليه م بيحصلش دا مع الخاضعين لقانون الخدمة المدنية.. لماذا المعلم ؟
٨- ليه تفارير المعلمين السنوية لا يوجد فيها مرتبة " ممتاز " مثل قانون الخدمة المدنية..
٩- متى يصبح للمعلمين جدول اجور تشريعى..
١٠ - متى يحصل المعلم على حقوقه بدون اللجوء للقضاء