توقعات الأبراج الثلاثاء 24 ديسمبر.. أعرف حظك اليوم

موقع تحيا مصر بيقدملك حظك اليوم وتوقعات الأبراج على جميع الأصعدة، الصحية والعاطفية والمهنية.
القمر موجود معانا النهاردة الثلاثاء 24 ديسمبر 2024 في برج الميزان الهوائي ويدعم الأبراج الهوائية الميزان والجوزاء والدلو.

توقعات الأبراج وحظك اليوم

تفاصيل توقعات الأبراج وحظك اليوم من موقع تحيا مصر:

برج الحمل
النهاردة الاجواء بتفرض عليك وضع مربك لحد ما.. حاول تهدي ع قد ما بتقدر وتلتزم الصمت والهدوء.. واعتني اكتر باوضاعك ..  وخلي الامور تمشي زي ماهي هيكون افضل.. وحاول تسيطر على رده فعلك وبلاش انفعال..

برج الثور 
النهارده عندك مشاغل ومسؤوليات والتزامات كثير وممكن تفقد السيطره على الوقت.. لان ف ضغط عملي وممكن ينطلب منك اشياء فجائية وطارئة.. ومضطر انك تنهيها في الوقت المطلوب.. وخلي بالك على صحتك من إرهاق وتعب الشغل .. فرتب يومك وأولوياتك وأبدا بالضروري..

برج الجوزاء
النهارده في رعايه ودعم فلكي حلو قوي.. عندك علاقات مريحه وامنه بتنجز كل امورك من غير موانع او مشاكل... ومبتسم النهارده رغم انك في بعض الاوقات بتكون مندفع جدا وبتخلص كل اللي وراك النهارده بكل نجاح وعندك تقدير لمواهبك وامكانيتك..

برج السرطان
النهاردة مازال مزاجك مش في افضل حال..  عندك حساسية زيادة عن اللزوم وحاله من الارباك.. وممكن يطلع منك موقف غير مقصود.. لان علاقاتك العائلية او الشخصية بتضغط عليك.. فخليك منطقي وموضوعي ع قد ما تقدر وساير امزجه الناس اللي حواليك..

برج الاسد
النهاردة من الايام الحلوة الي فيها صحوة ذهنية عاليه.. جوابك حاضر وذهن يقظ.. وعندك حل لكل حاجه ممكن تعترضك.. ومش هتوقف ومش هتتراجع.. ومندفع لتحقيق بعض المصالح والأهداف وفي نشاط وحركة واتصالاتك مثمرة خاصه مع العائله...

برج العذراء
النهارده يومك مالي بتنظم حساباتك وبتشوف ايه الي ليك وايه إلي عليك.. مطلوب منك مصاريف ونفقات.. وحاسس بالقلق من بعض الالتزامات التقيلة.. فدير ميزانيتك بطريقة صحيحة وانت شاطر في الموضوع ده..

برج الميزان 
النهاردة مازال القمر عندك وفي فرص حلوه جدا سواء فرص عاطفيه او عمليه او فكره لتغيير ما ف حياتك.. او بروتين يومك بيحسسك ان في شيء مختلف... وفي اخبار حلوه وعندك حيويه وحماس وتفاؤل وعندك القوه والوضوح عشان تعمل إلي انت عاوزه..

برج العقرب
النهاردة الواقع بيفرض نفسه.. ومش عاجبك حاجة. عندك مخاوف وأوهام مبالغ فيها.. وده بسبب مزاجك المراجع.. فخلي بالك من ردات فعلك مع الاخرين.. والتزم الصمت والسرية ع قد ما بتقدر.. ومن بكره القمر هيدخل برج العقرب واعمل اللي انت عاوزه..

برج القوس 
النهارده المحيط الاجتماعي داعم ليك جدااا.. خاصه الامور العاطفيه بتاخد طابع ايجابي وفي لقاءات تعارف زيارات... واصدقائك كلهم حواليك.. بسبب جلسه سفر او عمل وهتقضي اوقات لطيفه وممتعه..

برج الجدي 
النهاردة مازال في حالة من التوتر والمخاوف..بتخص وضع عملي بيخصك .. النهاردة اي حاجة تشوفها او تسمعها ممكن خبر مربك خلي عندك ثبات انفعالي وبلاش تجادل ولا تعاند.. ومشي امورك ومصالحك وخليك هادي ..

برج الدلو 
 النهارده مناسب جدا للبدء بشيء جديد..  يوم في امال واحلام عاطفيه ممكن تنبسط اليوم بلقاء مع حبيب او صديق او اشخاص عزيزه على قلبك وبتحقق بعض الاهداف حتى لو كانت صغيره وحتى نقاشاتك النهارده رابحه وبتصب في مصلحتك...

برج الحوت 
النهارده يومك أريح بتعالج بعض المشاكل .. او بتصلح مشاكلك إلي اتازمت اليومين إلي فاتوا.. خليك متعاون وشارك الآخرين لان الناس القريبين منك هما الي هيكونوا مصدر دعم ليك ..