إيه اللي بيحصل في السويشال ميديا مواقع التواصل الاجتماعي وايه سر. الحسابات المريبة اللي ظهرت وايه سر الحملات المنظمة ضد مصر وايه علاقتها بالدولار والأسواق.
أكيد اللي بيحصل اليومين دول مش طبيعي ومترتب ليه جدا لما آلاف الحسابات المجهولة على مواقع التواصل الاجتماعي بأسماء مستعارة ومختلفة تنشط مرة واحدة وتطلع تحرض على الدولة المصرية وتبث مواد فيليمية وفيديوهات قديمة وفيديوهات تانية متفبركة وفي نص تحشر الأزمة الاقتصادية وارتفاع الأسعار والديون ويرجع الكلام عن القصر الرئاسي والعاصمة الإدارية الجديدة اللي اخدت فلوس البلد مقابل الغلاء المعيشي والكلام عن ارتفاع الدولار يبقي الموضوع مش صدفة اطلاقا بالعكس دا مترتب له كويس جدا وناس عارفة بتعمل إيه كويس جدا.
طبعا كلنا فاهمين اللي بيحصل وهو إن المطلوب إن الدولة دي متقومش ولا تنهض تاني بعد عبورها من أخطر أزمة اقتصادية في تاريخها الحديث واللي بدأت في منتصف 2022 وافتكروا ساعتها أن موارد مصر من الدولار واللي انهارت نتيحة أزمات دولية ملناش علاقة بيها وظهور السوق السوداء كفيلة أنها توقع الاقتصاد وتضرب الأسواق وتحصل مجاعات في مصر مهي البلد بتعتمد على جزء كبير من اكلها على الاستيراد من الخارج بالدولار وكان تخطيطهم وتفكيرهم حاجة من اتنين يا إما الأسعار تقفز لمستويات قياسية يعجز عنها المواطن العادي وهنا يحصل غضب شعبي طبيعي تقدر اللجان دي تستغله لإثارة الفتن والفوضى أو يحصل نقص حاد في السلع وهنا هيوصلوا لنفس النتيجة.
لكن اللي حصل كان صدمة ليهم لما البنوك قدرت تهزم أزمة الدولار والمركزي فهم اللعبة بدري اووي وقطع الطريق على تجار العملة والممارسات اللي حاولوا يعملوها عشان يشعلوا بيها الأسواق وقدر يوفر الدولار ومفيش سلعة نقصت من السوق والحكومة كان عندها حلول كتير ومبادرات وقدرت تعدي من الفخ وتهرب من المخطط واثبتت مصر أنها دولة قوية والأهم والمفاجأة كان صبر المصريين على الظروف الاقتصادية الصعبة وفهمهم للي بيحصل حوليهم وعدم استجابتهم لدعوات التسخين وعرفوا إن فيه مؤامرة على البلد دي ومؤامرة كبيرة جدا كمان.
والمصريين كان عندهم حق لما عرفوا أن الموضوع مش مجرد أسعار ومعيشة صعبة لأن كل الدول مرت بنفس الظروف واصعب منها كمان لكن الوضع في مصر كان مختلف وظهرت لجان الكترونية جديدة ونشطت لجان قديمة وراحت تضرب في مؤسسات الدولة وتدعوا للتحريض والفوضى والفتن ونشرت فيديوهات مقاطع قديمة ومفبركة ودا بقصد إثارة الخوف عند الناس وفي نفس الوقت ضرب الاستثمار والاستقرار في البلد والايحاء إن البلد داخلة على مرحلة من عدم الاستقرار وطبعا مفيش حاجة بتخوف المستثمرين غير الاضطرابات ودا قصدهم.. مش بنقول لحضراتكم المخطط كبير ومش حكاية دولار ولا أسواق والمقصود البلد دي توقع.. ودا عمره ما هيحصل طبعا.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
