إيه قصة الـ 5 اكتشافات اللي أعلنت عنها وزارة البترول في الساعات الأخيرة، واللي بتنتج 1.3 تريليون قدم مكعب غاز كل سنة، هل الكمية دي كفاية لتغطية الاحتياج المحلي وهتحل مشكلات زي الكهرباء، وهتكفي كمان التصدير، ولا إيه اللي هيحصل.. هنقولك كل التفاصيل في الفيديو ده.
في الساعات الأخيرة، المهندس كريم بدوى وزير البترول والثروة المعدنية، أكد إن الوزارة شغالة دلوقتي على اكتشافات بترولية جديدة هتغير خريطة الطاقة في مصر، وشدد الوزير كمان على تذليل العقبات ومواجهة التحديات وزيادة جاذبية فرص الاستثمار للاستمرار فى تحويل منظومة البحث عن الغاز والبترول إلى وجهة استثمارية جاذبة، عشان نقدر نواجه المنافسة الكبيرة على جذب الاستثمار في هذا المجال.
وطبعا زي ما احنا عارفين، قطاع البترول المصري واحد من أهم القطاعات المهمة الجاذبة للاستثمار، عشان كده الوزارة دلوقتي بتحفز المستثمرين بأشكال مختلفة عشان تجذبهم للسوق المصري، وتشجعهم على ضخ وزيادة الاستثمارات فى المجال ده، والملف ده أصبح أولوية قصوى للوزارة مع توافر امكانات واعدة فى المنطقة، واللي قدرت تجذب كبريات الشركات العالمية للاستثمار فيها
واللي بيحصل دلوقتي في دواوين وزارة البترول، هو حوار بين الوزير والشركاء الأجانب عشان يحصل توفير لكل السبل التحفيزية والدعم لحث رجال الأعمال والمستثمرين على التوسع فى أعمالهم فى مصر، وضخ المزيد من الاستثمارات بهدف تحقيق الاكتشافات وزيادة الإنتاج.
"بدوى" كمان عمل اجتماع مع مسئولي شركة "إيجاس، وشدد على ضرورة تأمين إمدادات الغاز الطبيعى للسوق المحلى ودورها المحورى خلال السنين الجاية فى دخول شركات عالمية كبيرة للإستثمار فى مجال الغاز الطبيعى فى مصر وخاصة فى منطقة البحر المتوسط، وشدد كمان على أهمية دور الشركة فى تحقيق نمو أكبر لموارد مصر من الغاز فى المستقبل والعمل المشترك مع الشركات العالمية للتعجيل بتنمية الاكتشافات خلال الفترة المقبلة.
أما عن الاكتشافات البترولية الجديدة، فالوزير أشاد بتحقيق النجاحات في الملف ده، وقال إنه مرتبط بشكل وثيق بالحفاظ على البيئة والسلامة وكعامل محفز للاستثمارات ومشجع للقوى العاملة فى بذل الجهود، ومن هنا تم الكشف عن مؤشرات صناعة الغاز الطبيعي في العام المالي 2023/2024، وأن تم توقيع 11 اتفاقية جديدة مع الشركات العالمية للبحث والاستكشاف والانتاج للغاز الطبيعى بإجمالى استثمارات يبلغ حدها الأدنى 925 مليون دولار،بالإضافة إلى منح توقيع بقيمة 30 مليون دولار.
كمان، تم ترسية واسناد 5 مناطق جديدة للاستثمار فى البحث والاستكشاف للغاز الطبيعى بالبحر المتوسط ودلتا النيل بإجمالى استثمارات يبلغ حدها الأدنى 400 مليون دولار، وتم طرح أحدث مزايدة عالمية للشركة لعام 2024 فى مجال البحث والاستكشاف للغاز الطبيعى من خلال بوابة مصر الرقمية للاستكشاف EUG ، وانتهت الشركة من تنفيذ 5 برامج مسح لمساحة 24 ألف كيلومتر مربع لدعم أعمال الاستكشاف ، وبلغ عدد الاكتشافات اللي تم تحقيقها 5 اكتشافات، ودي أضافت احتياطيات قدرها 3ر1 تريليون قدم مكعب غاز و 30 مليون برميل زيت ومتكثفات، وجاري استكمال حفر 4 آبار جديدة للبحث عن الغاز بإجمالى استثمارات 640 مليون دولار.
وفي مجال إنتاج الغاز الطبيعى، فاللي حصل إنه تم وضع 19 بير جديا للغاز على خريطة الإنتاج ما بين حقول جديدة وتوسعات وآبار لتنمية إنتاج الحقول القائمة، وده هيكون بإجمالي استثمارات 613 مليون دولار، وبالفعل تم توفير وامداد القطاعات المختلفة للاستهلاك في السوق المحلى بإحتياجاتها من الغاز الطبيعي.
عشان كده، بلغ اجمالى الاستهلاك المحلى السنوى 2ر2 تريليون قدم مكعب غاز بمتوسط حوالى 6 مليارات قدم مكعب غاز يومياً ، لكن قطاع الكهرباء كان في مقدمة القطاعات المستهلكة للغاز الطبيعى بنسبة 58% من إجمالى استهلاك مصر من الغاز، كمان تم إصدار موافقات لإمداد 290 مصنع بالغاز ، وبلغت كميات الغاز المستورد لإستكمال تلبية احتياجات السوق المحلى حوالى 337 مليار قدم مكعب غاز خلال العام .
وبالإضافة لده، فتم توصيل 675 ألف وحدة سكنية بالغاز الطبيعى خلال العام واحلالها محل أسطوانات البوتاجاز، عشان يوصل إجمالي الوحدات السكنية المستفيدة بالغاز على مستوى الجمهورية إلى نحو 15 مليون وحدة سكنية، وكمان تم التوصيل إلى 15 ألف منشآة تجارية و97 مصنعاً، كما تم تحويل 50 ألف سيارة للعمل بالغاز الطبيعى وانشاء 75 محطة جديدة لتموين السيارات بالغاز و24 مركز لتحويل السيارات للعمل بالوقود المزدوج ، كما تم تنفيذ مشروعات لدعم وتوسعة الشبكة القومية لخطوط نقل الغاز الطبيعى بتكلفة استثمارية تزيد عن 660 مليون جنيه.
وبكده نقدر نقول إن الخير جاي من الغاز والبترول ومشتقاتهم، وإن الوزارة هتحقق أرقام قياسية في الفترة الجاية، هتغير خريطة الطاقة في مصر.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
