السبت، 09 نوفمبر 2024 12:04 ص 11/9/2024 12:04:40 AM
استقبل الشيخ محمد أبوبكر، الداعية الإسلامي، سؤالًا من متابعة تقول: «أنا عندي 22 سنة، كنت مرتبطة بواحد 30 سنة، وكنت دائمًا معاه في مشاكل، بسبب إنه بيكلم نساء كتير وبعدين اتغير شوية، وأنا ساعتها كان في واحد صاحب أخويا الله يرحمه كنت معجبة به جدًا بس هو عنده 39 سنة، وأمي معترضة عليه جدًا».
وأضافت: «أنا دلوقتي مقري فتحتي ع اللي كنت مرتبطه به، وأنا خلاص مش مرتاحة معاه، ومش قادرة أكمل بس أمي واخواتي مش عايزني أسيبه عشان معاه فلوس وكده، وبيقولولي كلام الناس، أعمل إيه؟! يا شيخ بالله عليك أنا مرتاحة مع إسماعيل أوي ومش عايزة محمد خالص».
ورد «أبوبكر»، على السائلة خلال برنامج «إني قريب»، على قناة «النهار»، اليوم الجمعة، ضاحكًا: «مين إسماعيل ومين محمد؟ الخطبة ما هي إلا وعد بالزواج إن شئت أتممتيه وإن شئت لا تتميه، ولا ذنب عليكي».
وأوضح: «إنتي هنا مقررة، إنتي باعته لي عايزة إيه؟! أنا لا أعرف إسماعيل ولا أعرف محمد، ولا لي دخل في هذا الموضوع، إيه المطلوب مني؟!».
وتابع «أبوبكر»: «أنت اخترتي كون أهل بيغصبوكي على واحد إنتي مش عايزاه، دخلي أعمامك أو أخوالك والدنيا كلها، ولكن فارق السن بينكم مفزع، 22 من 39 يعني عمرك، أحسني أمرك وصلي استخارة».
