كشفت الفنانة عفاف رشاد في برنامج "القاهرة اليوم" تقديم الفنان إدوارد، والإعلامية رنا عرفة كواليس طلاقها من المنتج محمد السبكي، وعن علاقتها به بعد الطلاق، وعن عدم تفكيرها في الزواج من بعده.
سبب طلاق عفاف رشاد من المنتج محمد السبكي
وعن طلاقها من المنتج محمد السبكي قالت: "وصلنا لمرحلة اللي هي عايزة أبقى زوجة وأم ومسؤولة بس ماكنتش بلاقيه موجود على طول بسبب الوسط الفني، ولقيت اني مش هقدر أكمل وقولت خلاص أنفصل وكنت خلاص خلفت عمر وكان كفاية عليا".
واستكملت: "يا دوب طلقنا أول طلقة 15 يوم وجه محمد وطني اللي هو كان السكرتير بتاع أحمد زكي وصمم قال ما ينفعش يا محمد لازم ترجعوا لبعض تاني عشان الولد ده يتربي في وسطكم، فرجعنا قعدنا سنة تانية وبعدين لقيت أن الحياة هتبقى شد وجذب، قولت خلاص ننفصل واحنا صحاب وفعلا انفصلنا بس أنا ومحمد أصحاب جدًا جدًا، قدرت في الفترة دي وانا مطلقة من محمد السبكي من 32 سنة، مفكرتش اني اتجوز تاني، وكان كل هدفي أكون أم".
عفاف رشاد لن أعمل مع السبكي نهائيا
أعلنت عفاف رشاد بشكل قاطع أنها لن تشارك في أي عمل سينمائي من إنتاج عائلة السبكي. وشرحت السبب بطريقة طريفة، قائلة: "اشتغلت معاهم كتير، لكني مكنتش باخد فلوس. قولتلهم: لأ بقى! كفاية! أنا مباخدش فلوس.. حرام عليكم".
أوضحت الفنانة أن طليقها وشقيقه كانا دائمًا يبرران عدم دفع الأجر لها بأن العمل مع عائلة السبكي هو في حد ذاته مكسب فني، وأن الأهم هو الظهور تحت مظلة الإنتاج الخاص بهما.
تابعت:«اشتغلت مع محمد السبكي كتير، لكن اشتغلت مع أحمد السبكي أكتر، وبشتغل معاهم ومبخدش فلوس منهم فقلت لهم لا كفاية حرام عليكم كده، والد ابني عيب يعني، بس هما ناس جميله وشاطرين.. وكانوا بيدعموا السينما في أيام الثورة، وكانوا هما الاتنين شركاء في الإنتاج لحد وقت معين».
آخر أعمال عفاف رشاد
شاركت الفنانة عفاف رشاد بعدد من الأعمال التلفزيونية التي تم عرضها ضمن موسم دراما رمضان 2024 وهما مسلسل "جري الوحوش" بطولة الفنان نضال الشافعي، ومسلسل "صيد العقارب" بطولة الفنانة غادة عبد الرازق.
