أكتر من 11 مليون مواطن مصري بيستخدموا تطبيق "انستا باي"، المتخصص في تحويل الأموال، واللي سهل على ناس كتير تعاملاتهم المادية، هي تكة واحدة وكله يبقى تمام، وده بدل ما تخبط مشوار لأقرب Atm أو تزور أي فرع بنك... إيه الجديد في تطبيق انستاباي2025 بعد قرار المركزي الأخير.. خليكم معانا للآخر وهتعرفوا التفاصيل .
ناس كتير وخاصة اللي عندهم معاملات تجارية، بيدورا عن حدود السحب من إنستاباي، خاصة بعد تعديل الحد الأقصى للمعاملات اليومية والشهرية، والحد الأقصى للمعاملة الواحدة على التطبيق الرقمي، وفق القواعد المنظمة لخدمات تطبيق المدفوعات اللحظية، إنستا باي، أو المنظومة الوطنية للمدفوعات اللحظية.
وفي آخر تحديث للبنك المركزي المصري، فبتتفاوت حدود السحب من تطبيق إنستا، فالحد الأقصى للسحب للمعاملة الواحدة، بيوصل ل 70 ألف جنيه، والحد الأقصى للمعاملات في اليوم 120 ألف جنيه، أما على مدار الشهر فلازم السحب مايزيدش عن 400 ألف جنيه.
ونقدر نقول، إن من أهم مميزات تطبيق "انستا باي"، إنه بيتيح لحضرتك الوصول المباشر إلى جميع حساباتك البنكية وتحويل الأموال لحظيًا من خلال الهاتف المحمول، فبتقوم بفتح التطبيق ثم تضغط على إرسال نقود، وبيتم في الخطوة اللي بعد كده الضغط على رقم الهاتف، بعدين علامة حساب بنكي، وبعد كل الخطوات دي بتدخل البيانات المطلوبة، واللي هي رقم الهاتف، المبلغ، بعدين تضغط على التالي، وتراجع بيانات التحويل.
وفي النهاية، بيتم إدخال الرقم السري IPN PIN المكون من 6 أرقام، بعدين تضغط على إدخال، ومن هنا يكون التحويل تم بنجاح.
ولو حضرتك بتستخدم انستا باي على طول، فهنقولك شوية معلومات مهمة، واللي هي لازم تعر المعلومات المهمة عن التطبيق قبل الاشتراك وإجراء المعاملات النقدية، زي إن خدمة سحب الفلوس من البرنامج اللي بتم عن طريق ATM غير متوفرة دلوقتي، والبريد المصري مش مشترك في الخدمة، وكمان غير متاح إضافة فيزا المشتريات على تطبيق إنستا باي.
ضيف على كل ده، إن لا يصلح التحويل من المحفظة للبرنامج لكن يصلح العكس، وبيتيح إنستا باي التحويل إلى محفظة أو حساب بنكي بدون أي رسوم على جميع التحويلات.
ومن أهم مميزات إنستا باي، إنه بيتيح لحضرتك ربط جميع الحسابات المصرفية المختلفة للعملاء في تطبيق واحد للهاتف المحمول، وبيمكنك من التحويل الفوري من حساباتك داخل البنوك المسجلة على الشبكة في مصر، وكمان التحويل الفوري داخل حسابات شبكة بنوك مصر والمحافظ الرقمية وبطاقة ميزة.
ومتاح الاستعلام عن رصيد الحسابات وإصدار كشف حساب مصغر للبنك، بالإضافة لإضافة حسابات بنكية متعددة ضمن شبكة بنوك مصر.
وأخيرا، لو أنت بتستخدم انستا باي، خد بالك كويس أثناء التحويل، عشان لو نفدت عملية تحويل لحد بالغلط ممكن جدا فلوسك تضيع عليك.
طيب ايه الميزات الجديدة في انستاباي
بص يا سيدي، تحويل الفلوس بالخطأ عبر إنستاباي، هي مشكلة كبيرة بيقع فيها مستخدمين كتير للتطبيق، فبيواجهوا عقبة في استرداد الفلوس دي، وده دفع البنك المركزي لتحديث التطبيق عشان يضمن للعميل عدم الوقوع في المشكلات دي.
عشان كده، البنك المركزي أتاح خدمة تحويل الأموال وسداد الفواتير عبر استخدام رابط الدفع Payment Link الخاص بحساب العميل، عشان يمكنه من استخدام رمز الاستجابة السريع QRcode؛ لضمان تحويل الأموال إلى المحفظة أو الحساب المراد التحويل له، وكل ده بيضمن التأكد من عدم تحويل الفلوس بالغلط عن طريق إنستاباي.
ومن خلال رابط الدفع Payment Link أو وإرسال رمز الاستجابة السريع QRcode، بيقدر العميل يستخدم اللينك أو الرابط المرسل له من المتلقي للتحويل، وبيتضمن اللينك جميع البيانات الخاصة بالعميل بدون الحاجة لكتابة أي معلومات تانية، بخلاف تحديد المبلغ المطلوب وإرساله وتأكيد عملية التحويل بعد إدخال كلمة المرور.
وكان البنك المركزي المصري، أعلن مؤخرًا عن إطلاق خدمة تحويل الأموال عبر التطبيق للمصريين في الخارج، ومن خلاله وبطريقة سهلة جدا بيتم استقبال الحوالات الواردة بأي عملة أجنبية، وبعد كده تحويلها للجنيه المصري في حساباتهم بشكل لحظي.
كمان، ولو هتحول فلوس من خارج مصر، ففي طريقة سهلة بيتم استقبال الحوالات الواردة بأي عملة أجنبية مع تحويلها للجنيه المصري في حساباتهم بشكل لحظي، والخدمة دي أطلقها البنك رسميًا، وشغالة في أي وقت وعلى مدار الأسبوع.
كمان، خدمة استقبال التحويلات الخارجية إلكترونيًا هتتيح للعملاء تحويل الأموال من الخارج لداخل مصر.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
